RYHPACHANEINA 24:16 - Mara Bible RV (BSI)

¹⁶ “Sawzy vâta pawzy thie awpa châ leipa ta, pawzy vâta sawzy thie awpa châ hra vei. Chyhsa to âmo moleina vâ chyu ta thie awpa a châ.

RYHPACHANEINA 24:16 ပူးပေါင်းရင်းမြစ်များ

2 THÂTIHZYRONA 25:4

Châhrasala Mawsi Ryhpa Châbu liata, “Sawzy vâta pawzy ama thi awpa châ leipa ta, pawzy vâta sawzy ama thi awpa châ hra vei. Chyhsa to âmo moleina vâta ama thi awpa a châ,” tahpa Abeipa biepiepa hawhta, ama sawzy deikua cha thie vei.

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

EZEKIA 18:4

Pachâ teh u, hrona zydua kei eih sai a châ. Paw hrona kei eih châ ta, sawchapawpa hrona chhao kei eih a châ. Moleina a taotuhpa ta a hrona a pahlei aw.

DÂNIAH 6:24

Chatawhcha abei ta biepie ta, hiatliana vâta Dâniah a leihtuhpazy cha a vaw chhi ei ta, chakeibarôhneipazy lôpu liata thy ei ta, âmo, ama sawzy nata ama lapinôzy chhao ta. Lôpu siphiah chhao ama tlô hlâta, chakeibarôhneipazy ta a vaw zawhnao ei ta, ama ru zydua taihta a tlawh ta ama thlie pachhô khai haw.

MALUHREINA 26:11

Kôrâ sawchapawzy deikua cha thi veih ei.

1 SAMUELA 22:16

Abei ta, “Ahimele, na thi tlai awpa a châ, nâ nata na paw chhôhkha zydua nama thi awpa a châ,” tah ta.