RYHPACHANEINA 24:14 - Mara Bible RV (BSI)

¹⁴ “Rai nama pahriasapa dyhchhiepa nata phahlapazy cha, nama chiheihpa ama châpa chhao ta, chihropa nama râh khih miakha liata a pahrâpa ama châpa chhao ta, nama tlybai awpa châ vei.

RYHPACHANEINA 24:14 ပူးပေါင်းရင်းမြစ်များ

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

BIESOZY 14:31

Sipasapa a tlybaipa cha a Taotuhpa palôh a pasasapa châ ta, Phahlapazy a ngiachhiepa deikua cha a Taotuhpa a palyupalih.

BIESOZY 22:16

Ano hneirôna papôh nawpa ta dyhchhiepa tlybai ta, Hneirôhpa hnohta sôh nah thih a piepa cha, Dyhchhiena ta a tlô thlu aw.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

LUKA 10:7

Cha o liata y u la, ama cha piepa maih niepa ta doh muh vy. Raihriatuhpa cha hlao hmô tlâh a châ. O kha tawhta o hro lâ namâ pasie awpa châ vei.

AMÔSÂ 2:7

Sipasapazy luh alei dohlei liata tlypâ ei ta, Dyhchhiepazy lâpi ama chahrih tyh; Paw nata saw ta chanô pakha a ziakhei ei ta, Ei moh pathaihpa ama papuapalei.

AMÔSÂ 8:4

Nâmo, phahlapazy palâ khai ei chi ta, Râh liata rietheipazy a thie khaipazy saih u, He bie he thei teh u.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

1 TIMAWTHY 5:18

Biehrai ta, “Viahchao tôhpa ta sâh a tly nota a hmao nama hi awpa châ vei,” tah ta, “Raihriatuhpa cha hlao hmô tlâh a châ,” a tah hra.

THEIHTHAINA 19:13

“Na vaih na tlybai awpa châ leipa ta, ano cha na hrao awpa châ vei. Raihriatuhpazy hlao pie leipa ta, azozâkhihdei nâ vao awpa châ vei.

RYHPACHANEINA 15:7

“Abeipa nama Khazohpa ta râh a cha piepa ei khih miakha liata nama unawhzy hry liata dyhchhiepa ama y khiahta cha, nama unawh dyhchhiepazy chô liata lôhkhô namâ hli awpa châ leipa ta, nama ku nama pako awpa châ vei.