RYHPACHANEINA 23:7 - Mara Bible RV (BSI)

⁷ “Edômâ mo cha nama unawhpa châ ei ta, namâ hao awpa châ vei. Izi mo chhao namâ hao awpa châ vei, nâmo chhao ama râh liata mapaihpa nama châpa kha.

RYHPACHANEINA 23:7 ပူးပေါင်းရင်းမြစ်များ

ÂTHAONA 25:30

Zakaw hnohta, “Ei tha chhâ ngaita ta, ngiachhiepa ta abie saihpa pati na chhopa kha na paniesa teh” tah ta. Chavâta Esaw cha a moh Edômâ bipa a châ.

ÂTHAONA 46:7

A sawchapawzy, a sawchapawzy liata a samohzy, a sawchanôzy nata a sawchapawzy sawchanôzy a chhi ta, a pathla zydua a hnohta Izi râh lâ â ngiakhei ha ei.

ÂTHAONA 47:12

Zawsi ta a paw nata a unawhzy nata a paw chhôhkha zydua cha, ama chhôhkha maluh hawhta nie awpa a pie lymâ ei.

ÂTHAONA 47:27

Izarei cha Izi râh Kôse liata pahrâ ta. Cha liata ryuzy pachô ei ta, chi hluhpi pathlapa ta thata pôh ei ta.

ÂTHAONA 47:6

Izi râh cha â hôh thlâh ha mâh tâh. Na paw nata na unawhzy cha râh pha chaipa liata pahrâsa mah y. Kôse râh liata pahrâ mawh ei sy. Ama hry liata a tao thei awpa chyhsa na pahno khiah ei ta cha, ei sahroh chô liata hyutuhpa ta na tao aw ei,” tah ta.

1 ABEIZY 11:25

Ano chhao he Hâdâ hawhna khata Sawlawmaw rie a patheituhpa châ ta, Sawlawmaw hro chhôh zydua ta Izarei khakhaipa châ lymâ ta, Izarei a chhyh thai leipa a châ. Aramia râh chô liata ryureituhpa ta a y.

EZRÂ 9:12

Chavâta nama sawchanôzy ama sawchapawzy pahneisa leipa u la, ama sawchanôzy nama sawcha­pawzy pahneisa hra leipa u la, âmo nata adyryhna nata ama byhnâ awna zy tlua khuh vy. Chatanachata thatlôpa ta y aw ei chi ta, râh phana nie aw ei chi ta, râh cha nama sawzy châta chhâzaw ta ama to awpa ryu ta nama paryu thei aw,’ tahpa biepiepazy eimâ heihsai haw.

HLAZY 105:23

Izarei cha Izi râh lâ zu ta, Zakaw Hamâ râh liata a pahrâ.

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

PUASAINA 23:9

“Mapaihpa na tlybai awpa châ vei. Nâmo chhao Izi râh liata mapaihpa châ ei chi ta, mapaihpa châpa palôh rietheizie nama pahno.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

MALAKHAI 1:2

“Kyh ei cha pachâ ei” Abeipa ta a tah. Châhrasala nâmo ta, “Kheih hawhta ma kyh cha miah na pachâ?” nama tah. “Esaw kha Zakaw unawhpa châ vei ma? Châhrasala Zakaw kyhpachâ na ta,

MALUHREINA 20:14

Mawsi ta Kâdesâ tawhta Edômâ bei lâ lyuhchâpa tuah ta, “Na unawhpa Izarei ta hetana heta a tah: Eima chô liata rairuna a tlôpa zydua na pahno khai.

RYHPACHANEINA 10:19

Chavâta mapaihpazy kyh pachâ teh u, nâmo chhao Izi râh liata mapaihpazy nama châ hrapa kha.

RYHPACHANEINA 23:8

Chhâ thôhna tawhta cha, ama pathlazy Abeipa pakhypi liata amâ hlao thei aw.