RYHPACHANEINA 23:6 - Mara Bible RV (BSI)

⁶ Ama thlalôh nawpa nata ama hneirôh nawpa ta, nama hro chhôh zydua khati ta hmahta nama pachâkhei awpa ei châ vei.

RYHPACHANEINA 23:6 ပူးပေါင်းရင်းမြစ်များ

EZRÂ 9:12

Chavâta nama sawchanôzy ama sawchapawzy pahneisa leipa u la, ama sawchanôzy nama sawcha­pawzy pahneisa hra leipa u la, âmo nata adyryhna nata ama byhnâ awna zy tlua khuh vy. Chatanachata thatlôpa ta y aw ei chi ta, râh phana nie aw ei chi ta, râh cha nama sawzy châta chhâzaw ta ama to awpa ryu ta nama paryu thei aw,’ tahpa biepiepazy eimâ heihsai haw.

2 SAMUELA 12:31

Râbâ khihsawzy cha puakhei ta, thoânazy, leipaliena thua pazaopazy nata ahreizy hmâpa raihriatuhpazy ta âmo cha hmâh ta, leiraopa taonazy liata rai pahriasa ta. Cha hawhna chata Amawna khihpi zydua cha tao ta. Cha khai tawhta Dâvi nata pheisaih zydua cha Zerusale lâ a lie ha ei ta.

2 SAMUELA 8:2

Môabâ pahnie ta, Môabâ mo cha a tlâh tlâh ta alei liata paziasa ta, thliena ri ta thlie ta, tlâh thôh liata tlâh no thie ta, tlâh kha cha a tlâh dua ta a pahlôh lymâ ei. Chatanachata Môabâ mo cha Dâvi chakaotuhpa ta y ei ta, râhpaw ama pie lymâ.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

MALUHREINA 24:10

Chatawhcha Bâlâka cha Bâlâma chô liata a pathi ia ta, a ku nata a ku thata a chô ta, Bâlâka ta Bâlâma hnohta, “Ei chariahpazy chhiesapa awpa ta cha aw na ta, pachâ teh, ei thôh dua byhnâ na awpa ei.

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”