RYHPACHANEINA 23:5 - Mara Bible RV (BSI)

⁵ Châhrasala Abeipa nama Khazohpa ta Bâlâma cha nathlie khoh vei. Abeipa nama Khazohpa ta kyh a cha pachâpa vâ ei ta, chhiesana cha nama châta byhnâ ta tlao a pachâsa haw.

RYHPACHANEINA 23:5 ပူးပေါင်းရင်းမြစ်များ

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

NEHEMIAH 13:2

Izarei sawzy Izi râh tawhta ama kaw pua nona khata, viahchhâ nata ti zy ta vaw dy leipa ei ta, Izarei sawzy chô liata Bâlâma chhie ama pasasapa vâta a châ. Châhrasala eima Khazohpa ta ama chhiesana cha byhnâ ta tlao a pachâsa haw.

HLAZY 73:1

Khazohpa cha Izarei chô liata pha ta, Palôh pathaihpazy chô liata a vaw pha tlai na.

BIESOZY 26:2

Boby a viapa hawhta nata siviah â zawpa hawhta, A chhâpa y leipa ta chhiesapa cha a pai aw.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

MALAKHAI 1:2

“Kyh ei cha pachâ ei” Abeipa ta a tah. Châhrasala nâmo ta, “Kheih hawhta ma kyh cha miah na pachâ?” nama tah. “Esaw kha Zakaw unawhpa châ vei ma? Châhrasala Zakaw kyhpachâ na ta,

MALUHREINA 22:35

Abeipa vâlyuhchâpa ta Bâlâma hnohta, “Chyhsazy hnohta sie mah y. Anodeikua ei cha chhopa bie deita na reih awpa a châ,” tah ta. Chatanachata Bâlâma cha Bâlâka beimachâzy hnohta sie ta.

MALUHREINA 22:5

Bâlâka ta a pina râh Chavah kiah Pethô khih liata a ypa Beô sawchapawpa Bâlâma lâ chyhsa tuah ta, a hnohta, “Izi râh tawhta phopi miakha kaw pua ei ta, leilô zydua bie khai ei ta, tahmâ keima dady liata ama pahrâ.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.

RAWMA 11:28

Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RAWMA 9:13

“Zakaw kyh pachâ na ta, Esaw deikua ei hao,” tahpa ropa a châ hra.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

RYHPACHANEINA 2:29

Seirâ liata a pahrâpa Esaw pathlazy nata Ari liata a pahrâpa Môabâ mo ta ei chô liata ama taopa hawhta, Zawdâh chakapa ta Abeipa eima Khazohpa ta miah a piepa râh ei ngia hlâlei na râh siepahlie na pasai mah y,’ tah na ta.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

ZAWSUA 24:10

Châhrasala Bâlâma bie nathlie khoh va na. Chavâta nama châta byhnâ tlao aw ta, Bâlâka ku tawhta ei cha pachha ei.