RYHPACHANEINA 22:9 - Mara Bible RV (BSI)

⁹ “Nama kre sadô liata chicheipa chi no nama chei pakaoh awpa châ vei. Chataleipatala nama kôvei zydua, chi nama cheipa chhao, nama kre sadô a patheipa chhao, pathaih leipa a châ pathlei aw.

RYHPACHANEINA 22:9 ပူးပေါင်းရင်းမြစ်များ

THEIHTHAINA 19:19

“Ei bieraopazy na zyh awpa a châ. Sahroh chi hropa nata chi hropa chi na pathlasa awpa châ leipa ta, na lyu liata chi miano na chei pakaoh awpa châ hra leipa ta, pala chihropa miano sa pahlaopa chysia nâ tobi awpa châ vei.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

MATHAI 9:16

Ahy hmahta pohthâ thiehpa ta chysia parohpa baithla beih veih ei. Ama baithla khiahta cha, a baithlana ta chysia parohpa cha hrie aw ta, â hrie lao ha aw.

RAWMA 11:6

Ngiachhiena vâta a châ khiahta cha, hmotaopa vâta châ khao vei. Cha hawhta a châ vei khiahta cha, ngiachhiena cha ngiachhiena châ khao aw vei.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

RYHPACHANEINA 22:8

“O thiehpa nama sa tita, o chô tawhta chyhsa tla tlamawpa ta, nama o liata thisaih maoh nama paysa lei nawpa ta, o chô cha bâkhâh ta nama dôh awpa a châ.

ZÂMIE 3:10

Pakah miakha tawhta reithaina nata chhiesana a pua tyh. Unawh saih u, cha hmozy cha, cha hawhta a châ awpa châ vei.