RYHPACHANEINA 22:8 - Mara Bible RV (BSI)

⁸ “O thiehpa nama sa tita, o chô tawhta chyhsa tla tlamawpa ta, nama o liata thisaih maoh nama paysa lei nawpa ta, o chô cha bâkhâh ta nama dôh awpa a châ.

RYHPACHANEINA 22:8 ပူးပေါင်းရင်းမြစ်များ

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

PUASAINA 22:6

“Chyhsa ta mei pakâ sala, ahloh buhzy lâta kâ laihpa ta, sapiahzy tlyma, sâh a duahpa tlyma, lyu tlyma, a kâ khiahta cha, mei pakâtuhpa ta a mâ zydua a thô thlyu awpa a châ.

ISAI 22:1

He he aluahna saikao kyh chhochhieliena bie a châ: Khâpa ma châ patypamâ ei tly, Vâphuh lâ dia nama kia khai haw?

ZEREMIAH 19:13

Zerusale ozy nata Zudâh beizy ozy, avâ liata hmozy lâta hmohlâpazy hlâna vâphuh to nata khazoh hropazy lâta dopa hlâna patlaina vâphuh to cha, Tôphe su hawhta papuapaleipa a châ aw.’”

EZEKIA 3:18

Moleipa hnohta, ‘Na thi tlai awpa a châ,’ ei tah tita, cha moleipa cha a hrona pabohsa awpa ta zikyu a râ leipa la, a moleina lâpi siesai awpa ta chho hra leipa la, a paraona vâta a thi khiahta cha, a thisaih maoh na phaoh aw.

EZEKIA 3:20

“Cha hawh pyly ta, chyhsa siapa cha a siana a heihsai ta, hmo doleipa a taopa vâta, a hmiakô liata achapiana ei so khiahta cha, a thi aw. Zikyu nâ râ leipa vâta, a moleina vâta thi aw ta, hmo pha a taopazy a theipa châ khao aw vei. A thisaih maoh deikua cha na ku liata a y aw.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

MÂKA 2:4

Zawpi ama hluh tupa vâta Zisu cha a hnia thei leipa ei ta, ano dady liata vâphuh phie ei ta, ama phie khai nahta, asypa cha a hmohphaw chhaota za pathliah ei ta.

HMOTAOPAZY 10:9

A mylâ ta, Kawnilia tuapa chyhsazy cha sie ei ta, khihpi ama tlô chy ta, Pity cha nohchhô locho ta thlahchhâ awpa ta vâphuh lâ kiah ta.

RAWMA 14:13

Chavâta a sei raihrie khao leipa ta, unawhpa lâpi liata achapiana lô tlyma, pakhâna tlyma, sokhâh lei awpa a chhuah ei suh u.

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

RYHPACHANEINA 22:7

A panô pathlie aw ei chi ta, a taw deikua nama la thei. Nama châta pha aw ta, nama hro a pareih aw.

RYHPACHANEINA 22:9

“Nama kre sadô liata chicheipa chi no nama chei pakaoh awpa châ vei. Chataleipatala nama kôvei zydua, chi nama cheipa chhao, nama kre sadô a patheipa chhao, pathaih leipa a châ pathlei aw.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

1 THYSALAWNIKA 5:22

moleina chi to a heihsai teh u.

1 SAMUELA 9:25

Su sâhpa tawhta khihpi lâ amâ zu nahta, o chô liata Sawla a zia nawpa taopa ei ta. Sawla cha a mô awpa ta a zia ta.