RYHPACHANEINA 22:6 - Mara Bible RV (BSI)

⁶ “Tho liata tlyma, alei liata tlyma pavaw bu hmô u la, a panô ta a taw tlyma, a tih tlyma â byu thlu thlâh ha chy khiahta cha, a taw cha a panô chhaota nama la awpa châ vei.

RYHPACHANEINA 22:6 ပူးပေါင်းရင်းမြစ်များ

ÂTHAONA 32:11

Ngiachhiepa ta ei uhta Esaw ku tawhta na pachha mah y. A vy aw ta, nôzy nata sawzy chhaota miah a thie khai aw tahpa ei chi ngaita.

ÂTHAONA 8:17

Na hnohta a ypa hmohrohneipa zydua, hrona a hneipa maih, pavawzy, sazy nata alyhpasa chi to alei chô liata bie ei sala, chi pathlapa ta, alei chô liata ama pôh thei nawpa ta, na hnohta puakhei khai mah y,” tah ta.

BIESOZY 12:10

Mosiapa cha a sahroh hrona pachâ peimawh ta, Moleipa zawngiahna deikua cha nôchhiena a châ.

HÔSIA 10:14

Chavâta na chyhsazy hry liata tymâna vaw pua aw ta, Na thokhy zydua parao khaipa a châ aw. Adyuhna noh liata, Salmâ ta Bethabe a paraopa hawhna khata, Nôzy cha ama sawzy chhaota Taichheihpa ama châ aw.

THEIHTHAINA 22:28

Viahchao panô tlyma, mietaku panô tlyma, a taw chhaota noh kha ta nama thie awpa châ vei.

LUKA 12:6

Rieta pô pangawh cha phusâ dipa miano ta zuapa châ vei ma? Châhrasala ama hry liata pô kha hmah Khazohpa hmiakô liata mypa châ vei.

RYHPACHANEINA 22:5

“Chanô ta chapaw chysia â tao awpa châ leipa ta, chapaw ta chanô chysia â tao awpa châ hra vei. Ahy rai cha hawhta a taopa maih cha, Abeipa nama Khazohpa châta pasichhihpa a châ.