RYHPACHANEINA 22:22 - Mara Bible RV (BSI)

²² “Chyhsa ta chyhsa hropa lapinô â ziakheipa hmôpa a châ khiahta cha, ama pano ta, a ziakheituhpa chapaw chhao, chanô chhao, ama thi awpa a châ. Cha hawhna chata hmo pha leipa cha Izarei tawhta nama pahlei aw.

RYHPACHANEINA 22:22 ပူးပေါင်းရင်းမြစ်များ

2 SAMUELA 11:5

Chanô cha saw phaoh ta, Dâvi hnohta chyhsa tuah ta, “Saw na ei phao haw,” tahpa ta pachhosa ta.

EZEKIA 16:38

Chanô â pheipa pachiapa hawhta cha pachia aw na ta, thisaih a palopa pachiapa hawhta ei cha pachia aw. Chatanachata hiehâhna nata hiatliana thisaih maoh cha na chô liata ei patlôsa aw.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

MATHAI 5:27

“‘Nâ phei awpa châ vei,’ ama tahpa nama thei haw.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

RYHPACHANEINA 17:7

Pahnokheituhpazy ta thie awpa chô liata ama ku pathla tua chai aw ei ta, cha khai tawhta zawpi ta ku ama pathla aw. Cha hawhna chata hmo pha leipa cha nama hry tawhta nama pahlei awpa a châ.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.