RYHPACHANEINA 22:21 - Mara Bible RV (BSI)

²¹ a paw o liata sihryhpa ta y ta, Izarei liata hmo molei ngaitapa a taopa vâta, chanô cha a paw o chhikao lâ a chhi aw ei ta, a yna khihpi liata chyhsazy ta alô ta ama vawhsao awpa a châ. Cha hawhna chata nama hry liata hmo phaleipa cha nama pahlei awpa a châ.

RYHPACHANEINA 22:21 ပူးပေါင်းရင်းမြစ်များ

RYHPACHANEINA 13:5

Cha hawhpa hrohsopa tlyma, mâ sapa ta chhochhieliena bie a reihpa tlyma deikua cha, Izi râh tawhta châ kaw chhi papuatuhpa, sei châna o tawhta châ chatlaituhpa Abeipa nama Khazohpa adyuhna bie reih ta, Abeipa nama Khazohpa ta a chhih awpa ta bie a cha piepa ei lâpi tawhta patleisa a châ chhuahpa vâ ei ta, thie awpa a châ. Cha hawhna chata hmo pha leipa cha nama hry tawhta nama pahlei ha aw.

ÂTHAONA 34:7

Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

RYUREITUHPAZY 20:6

Hmo pasichhihpa nata nozachhihpa Izarei liata ama taopa vâta, ei nôtho ri cha la na ta, a vyuh vyuh ta pachhaih na ta, Izarei ryuto râh zydua lâ ei paphao ei.

RYUREITUHPAZY 20:10

Pheisaihzy niedo a hlâ awpa ta, Izarei chi zydua hry tawhta chyhsa za kha liata pahrawh, sâh kha liata za kha, thy kha liata sâh kha lymâ ta eima la aw. Chatanachata pheisaihzy ta Benzami chi Kibia khihpi cha siehnao aw ei ta, Izarei liata hmo pasichhih ngaitapa ama taopa cha viari ama vaw thô aw,” tah ei ta.

RYHPACHANEINA 21:21

Cha khai tawhta khihsaw zydua ta alô ta vawhsao aw ei ta, cha hawhna chata hmo pha leipa cha nama hry tawhta nama pahlei awpa a châ. Cha thâtih cha Izarei zydua ta thei aw ei ta, ama chi aw.

RYHPACHANEINA 19:19

a unawhpa chô liata tao â chhuahpa hawhta, ano chô liata nama tao awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 17:7

Pahnokheituhpazy ta thie awpa chô liata ama ku pathla tua chai aw ei ta, cha khai tawhta zawpi ta ku ama pathla aw. Cha hawhna chata hmo pha leipa cha nama hry tawhta nama pahlei awpa a châ.

THEIHTHAINA 21:9

Theihthaipa sawchanô ta a zuah sala, â papuapalei khiahta cha, a paw a papuapaleipa châ ta, mei ta raosao awpa a châ.

RYHPACHANEINA 22:24

khihpi chhôh liata a y thlâh hapa tlai ta chanô ta a awh leipa vâta nata chapaw chhao a vaih lapinô moh a pachhiepa vâta, ama pano ta khihpi thokhy chhikao lâ a chhi aw ei chi ta, alô ta nama vawhsao awpa a châ. Cha hawhna chata hmo pha leipa cha nama hry tawhta nama pahlei awpa a châ.

RYHPACHANEINA 22:22

“Chyhsa ta chyhsa hropa lapinô â ziakheipa hmôpa a châ khiahta cha, ama pano ta, a ziakheituhpa chapaw chhao, chanô chhao, ama thi awpa a châ. Cha hawhna chata hmo pha leipa cha Izarei tawhta nama pahlei aw.

RYHPACHANEINA 17:5

cha hmo moleipa a taotuhpa chapaw tlyma, chanô tlyma cha nama yna khih hawka lâ a chhi aw chi ta, cha chapaw tlyma, cha chanô tlyma cha alô ta nama vawhsao awpa a châ.

RYHPACHANEINA 13:10

Izi râh tawhta châ kaw chhi papuatuhpa, sei châna o tawhta nâmo châ kaw chhituhpa Abeipa nama Khazohpa tawhta patleisa a châ chhuahpa vâ ei ta, alô ta nama vawhsao awpa a châ.

THEIHTHAINA 24:23

Cha hawhna chata Mawsi ta Izarei sawzy cha chho ta, chhiesatuhpa cha riehmo khôtho lâ a chhi ei ta, Mawsi hnohta Abeipa biepiepa hawhta Izarei sawzy ta tao ei ta, alô ta ama vawhsao haw.

THEIHTHAINA 24:16

Abeipa moh a reipachhiepa cha thie thlyu awpa châ ta, zawpi zydua ta alô ta ama vawh awpa a châ. Chihropa chhao, a râh chyhsa chhao, Moh a reipachhie khiahta cha thie awpa a châ.

1 KAWRINI 5:13

Khôtho lâta chyhsazy cha Khazohpa ta a pachia aw. Chyhsa moleipa cha nama hry tawhta papua ha muh vy.

THEIHTHAINA 19:29

“Na sawchanô cha âzuahnô ta taopa ta na papuapalei awpa châ vei. Chataleipatala râh cha âzuahnô râh ta vaw châ aw ta, moleina ta a bie pathlei aw.

RYUREITUHPAZY 19:23

O hneituhpa pawhrâhpa cha âmo lâ kei pua ta, ama hnohta, “Châ bao va, ei unawhzy saih u, ei châ haw ei, cha hawhpa moleina rarôh ypa cha tao cheita khah u. He chyhsa he ei o liata a vaw ngia hapa châ ta, cha hawhpa hmo pasichhihpa cha rie tao khuh vy.

RYUREITUHPAZY 20:5

Kibia chhituhpazy ta thie nâ chhuah ei ta, zâ ta nâ vyhnaopa ta, ei tlôna o vaw dôh ei ta. Ei nôtho patupakhi ei ta, a thina taihta ama ykhei.

ÂTHAONA 38:24

Thla thôh rachhôh khai tawhta, chyhsazy ta Zudâh hnohta, “Na myuhnô Tâmâri kha sihryhpa ta y ta, cha dei châ vei, a sihryhna tawhta riasaw a phaoh haw,” tahpa ta chho ei ta. Zudâh ta, “A vaw chhi u la, raosaopa châ mawh sy,” tah ta.

THEIHTHAINA 20:2

“Izarei sawzy hetana heta chho heih teh: Izarei saw tlyma, Izarei râh liata a pahrâpa chihropa tlyma, a saw Môleka lâta a piepa cha thie thlyu awpa châ ta, râh chyhsa zawpi ta alô ta vawhsao awpa a châ.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,