RYHPACHANEINA 21:8 - Mara Bible RV (BSI)

⁸ Hy Abeipa, na chatlaipa na phopi Izarei sawzy he a ngiahthai la, na phopi Izarei sawzy he paraona hnei leipa thisaih maoh phaoh awpa ta pasaih khah y,’ tahpa ta reih aw ei ta, thisaih maoh ama phao awpa tawhta a ngiahthaipa ama châ aw.

RYHPACHANEINA 21:8 ပူးပေါင်းရင်းမြစ်များ

2 SAMUELA 3:28

Hnôhlâ ta, cha kyh cha Dâvi ta a thei nahta, “Nerâ sawchapawpa Abane thisaih vâna heta kei nata ei beinarâh cha Abeipa hmiakô liata chhâzaw ta eima pathaih.

1 ABEIZY 2:31

Abei ta a hnohta, “A reipa hawhna chata kaw tao la, thie la, pabu mah y. Chatanachata a chhâpa y leipa ta Zôabâ ta thisaih a palona tawhna khata, kei nata ei paw chhôhkha na pathaisapa a châ aw.

2 ABEIZY 24:4

Manase ta chyhsa siapazy thisaih palo ta, Zerusale cha chyhsa siapazy thisaih ta a pabiepa vâta, Abeipa ta a ngiahthai thei vei.

HLAZY 19:12

Ahy ma ano taochheipazy a pahno thei tly? Ei pahno leipa paraonazy nâ ngiahthai mah y.

ZEREMIAH 26:15

Eina thie khiah ei chi ta cha, thaileina a hnei leipa thisaih cha, nâmo nata he khihpi nata a khihsawzy chô liata nama patlôsa aw tahpa deikua a siapa ta pahno muh vy. Abeipa ta na ngâ ta, he bie zydua he nama nah theina liata reih awpa ta eina tuapa châ tlôh ta,” tah ta.

EZEKIA 23:3

Izi râh liata sihryh ei ta, ama laihsa no tawhta a sihryhpa ama châ. Ama sâhpizy hmiepa ei ta, ama laihsa kôna sâhpizy ama hriapa.

THEIHTHAINA 17:4

Abeipa achhyna byureih hmiakô liata Abeipa lâta hmohlâpa ta hlâ awpa ta, ahmaohna poh o chhikao liata a vaw cheih leipa cha, thisaih a palopa ta pachâpa châ aw ta, a chô liata thisaih maoh a y aw. Cha chyhsa cha a phopi tawhta chhawh pathlahpa a châ aw.

ZAWNA 1:14

Chavâta Abeipa cha pado ei ta, “Hy Abeipa, eima châ haw na, eima châ haw chaimâh na. He chyhsa hrona la awpa vâta keimo he eima leidia awpa pasaih leipa la, paraona a hnei leipa thisaih maoh eima chô liata rie patlôsa khah y. Hy Abeipa, nâma ta na khohpa hawhta na taopa châ tlôh ta,” tah ei ta.

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

RYHPACHANEINA 21:7

‘Eima ku ta he thisaih he palo leipa ta, eima mo ta thisaih palopa hmô hra vei.