RYHPACHANEINA 21:18 - Mara Bible RV (BSI)

¹⁸ “Chyhsa ta sawchapaw chhorupa nata atyhmâhpa hnei sala, a nô nata a paw rei a ngiah leipa sala, ama chhoreipa chhao ta ama bie a nathlie khoh leipa khiahta cha,

RYHPACHANEINA 21:18 ပူးပေါင်းရင်းမြစ်များ

THEIHTHAINA 19:3

Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

ISAI 1:5

Khazia hmo parao lymâpa ta, Tupa ta khâ nama y aw? Na luh zydua pasa ta, Na palôh tlokhuh a panao haw.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

BIESOZY 30:17

Paw a mohnaopa mokhaoh nata Nô a nawhtawpa mokhaoh cha, Saikao raawhzy ta thaoh aw ei ta, Vâkhiehzy ta ama nie aw.

BIESOZY 29:17

Na sawchapawpa cha chhorei la, Thlalôhpa ta cha paysa aw ta; Palôh lyna a cha pie aw.

BIESOZY 20:20

A paw tlyma a nô tlyma chhie a sapa cha, Zoh kaluhna su liata a meiôh pachhaipa a châ aw.

BIESOZY 19:18

Na sawchapawpa cha chhorei teh, Hnabeiseihna a y lah y; A leidia thlâh ha awpa ta pachâ khah y.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

ZEREMIAH 31:18

“Epharai chapa ao hetana heta ei thei: ‘Na chhorei chi ta, Viahchao dawpa hriepa hawhta Eina chhorei chi. Paduapathipa ei châ thei nawpa ta, Nâ chhi pakhua heih mah y, Abeipa ei Khazohpa mah na châ tâh.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

BIESOZY 30:11

Ama pawzy chô liata chhie a sapazy y ei ta, Ama nôzy byhnâ a awpa leipazy chhao ama y.

BIESOZY 28:24

A paw tlyma a nô tlyma hrao ta, “Paraona châ vei,” a tahtuhpa cha, Paraotuhpa viasa a châ.

BIESOZY 22:15

Hawtipa palôh liata hruna a bai ha ta, Sôsi ta chhoreina ta hruna cha lâhla lâ â chadai pai aw.

BIESOZY 15:5

Ahrupa cha a paw pachuna mohnao ta, Asopa deikua cha a paw rana a uasa tyh.

BIESOZY 13:24

Sôsi a hmâh khoh leipa cha a sawchapawpa a haopa châ ta, A kyh a pachâpa deikua cha thlai a chhorei tyh.

BIESOZY 1:8

Ei sawchapawpa y, na paw chhoreina bie nathlie la, Na nô pachuna bie a heihsai khah y;

2 SAMUELA 7:14

A paw châ aw na ta, ei sawchapawpa a châ aw. Hmo a parao khiahta cha, chyhsapa sôsi ta chhorei aw na ta, Âdâh sawzy chheina ta ei chhorei aw.

RYHPACHANEINA 27:16

“A nô tlyma, a paw tlyma a za leipa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 8:5

Chyhsa ta a sawchapawpa a chhoreipa hawhta, Abeipa nama Khazohpa ta a cha chhorei ei tahpa nama palôh ta pahno thlâh ha mawh sy.

THEIHTHAINA 21:9

Theihthaipa sawchanô ta a zuah sala, â papuapalei khiahta cha, a paw a papuapaleipa châ ta, mei ta raosao awpa a châ.

PUASAINA 21:17

“A nô chô liata tlyma, a paw chô liata tlyma chhie a sapa cha, thie thlyu awpa a châ.

PUASAINA 21:15

“A nô tlyma, a paw tlyma a tupa cha, thie awpa a châ.

RYHPACHANEINA 21:19

a nô nata a paw ta patu aw ei ta, a yna khihpi liata machâzy ryureina thokhy chhikao lâ amâ chhi aw.

1 SAMUELA 3:13

A sawchapawzy ta reipachhie tlâhpa ta âmosasyh ta â tao ei ta, cha cha a pahno thlâh hana chôta a pakhâ leipa vâta, a pathlazy cha chhâzaw ta ei hrie aw ei tahpa chho ha na ta.

ZEREMIAH 5:23

“Châhrasala he phopi he palôh kuhchhapa châ ei ta, Chhorupa ama châ; Lâpi tlei ei ta ama sie nano syulyu haw.