RYHPACHANEINA 21:16 - Mara Bible RV (BSI)

¹⁶ a sawchapawzy ryuto a rai noh ta, a kho lei viapa sawchapaw uhthei dopa hlâta a kho viapa sawchapawpa khokhei viapa ta, ano cha sawchapaw uhtheipa ta a tao awpa châ vei.

RYHPACHANEINA 21:16 ပူးပေါင်းရင်းမြစ်များ

ÂTHAONA 25:31

Zakaw ta, “Sawchapaw uhtheipa na châna tovyuh na chaleisa ha tua teh,” tah ta.

1 THÂTIHZYRONA 26:10

Merâri pathlazy hry liata Hôsâ chhao sawchapawzy hnei ta, Simri cha pawhrâh chaipa a châ. Ano cha sawchapaw uhtheipa a châ lei tarawpa ta, a paw ta pawhrâh chaipa ta a rao.

1 THÂTIHZYRONA 5:2

Zudâh cha a unawhzy hry liata thatlô chaipa châ ta, ryureituhpa chhao ano tawhta pua ta, châhrasala sawchapaw uhtheipa tovyuh deikua cha Zawsi eih a châ.

2 THÂTIHZYRONA 21:3

Ama paw Zehôsaphâ ta a sawchapawzy cha hmosaipa rônah ngaitapa, tâkâ, ngôh, hmo sôhpa nata Zudâh râh liata thokhy hneipa khihpizy pie chyu ta, khinarâh deikua cha Zehôrâ a pie. Zehôrâ cha sawchapaw uhtheipa a châpa vâta, khinarâh piepa a châ.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

RYHPACHANEINA 21:15

“Chyhsa ta lapinô pano hnei sala, pakha kho via ta, pakha kho lei via sala, a kho viapa nata a kho lei viapa ta saw sapa raihrie ei sala, sawchapaw uhtheipa cha a kho lei viapa saw châ sala,

RYHPACHANEINA 21:17

A kho lei viapa sawchapawpa cha sawchapaw uhthei dopa châ ta, ano cha a pahno awpa a châ. A hneipa zydua tawhta tovyuh su thôh su no a pie aw. Ano cha a thatlôna thei hmiatuapa châ ta, sawchapaw uhthei châna tovyuh cha ano eih a châ.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.