RYHPACHANEINA 20:3 - Mara Bible RV (BSI)

³ Theihthaipa ta zawpi hnohta, ‘Hy Izarei, nathlie teh, tanoh cha nama chariahzy a dyuh awpa ta, adyuhna lâ nama sie aw. Riahchhiepa ta y khuh vy. Chi leipa u la, a chalyu hra leipa u la, âmo vâta thlazohpa ta y khuh vy.

RYHPACHANEINA 20:3 ပူးပေါင်းရင်းမြစ်များ

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

ZAWBÂ 23:16

Khazohpa ta ei palôh tha pachhâ ta, Atotaotheipa ta ei thlah eina pazo.

HLAZY 3:6

Chyhsa sâh hluhpi ta na dôh hra ei sala, Chi aw va na.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 7:4

a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 10:31

Chavâta chi khuh vy, boby hluhpi hlâta nama sôh via.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

MÂKA 16:18

ku ta parihzy patu aw ei ta, thina châmaih kheihawhpa rai doh hra ei sala, âmo pasasa aw vei. Tlâhleipazy chô liata ama ku pahnieh aw ei ta, ama tlâh lymâ aw,” tah ta.

MÂKA 16:6

Ano ta ama hnohta, “Nama noâh khah sy. Nâzari khihpa Zisu, ama khaipâpa kha nama tlua tahpa ei pahno. A thyu haw. He liata y khao vei. Moh teh u, ama paziana hih.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

RYHPACHANEINA 1:21

Moh teh u, Abeipa nama Khazohpa ta nama hmiakô liata râh a cha sopa ei. Khy u la, Abeipa, châ pathlatuhpazy Khazohpa ta a cha chhopa hawhna ei khata, râh cha kaw pahrâ teh u. Chi leipa u la, riahchhiepa ta y hra khuh vy,’ cha tah ei na ta.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

RYHPACHANEINA 20:2

Adyuhna lâ nama sie chy ta, theihthaipa vaw pua aw ta, zawpi hnohta bie a reih aw.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

1 TIMAWTHY 6:12

Ngiapâna ta adyuhna phapa a dyuh la, chhâzaw hrona patu mah y. Cha cha to awpa ta awpa châ chi ta, pahnotuhpa hluhpi hmiakô liata a phapa ta nâ duakheipa kha a châ.

HEBRAI 13:6

Chavâta riahphapa ta, “Abeipa cha nâ baotuhpa châ ta, Chi aw va na; Chyhsa ta kheihta eina tao thei aw?” Eima tah ngâh.

ZAWSUA 23:10

Abeipa nama Khazohpa ta bie châ taih ei ta, ano tlai ta nâmo châta â dyuhpa vâta, nâmo chyhsa pakha ta chyhsa sâh kha namâ chadaipai aw.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

1 SAMUELA 17:32

Dâvi ta Sawla hnohta, “Ano vâna hao ta ahy hmahta palôh duapa ta y khah ei sy, châ chakaotuhpa heta Philistinâ chyhsa hao ei kei dyuh aw,” tah ta.