RYHPACHANEINA 20:18 - Mara Bible RV (BSI)

¹⁸ Chataleipatala ama khazohzy amâ chhyna liata hmo pasichhihpa ama taopa zydua tao hra awpa ta cha pachu aw ei ta, Abeipa nama Khazohpa chô liata nama molei pathlei aw.

RYHPACHANEINA 20:18 ပူးပေါင်းရင်းမြစ်များ

2 ABEIZY 21:3

A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

PUASAINA 23:32

Ama hnohta bie na hraih awpa châ leipa ta, ama khazohzy hnohta bie na hraih awpa châ hra vei.

PUASAINA 23:33

Na râh chhôh liata ama pahrâ awpa châ vei. Chataleipatala ei chô liata cha pamoleisa aw ei ta, ama khazohzy na chakao tlai khiahta cha, na châta khoheih a châ aw,” tah ta.

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

RYHPACHANEINA 18:19

Hrohsopa ta ei moh ta ei bie a reipazy a thei khoh leipa cha, kei tlai ta ei pachia aw.

RYHPACHANEINA 18:9

“Abeipa nama Khazohpa ta râh a cha piepa ei nama tlô tita, cha râh liata phopizy taozie pasichhihpazy nama tao awpa châ vei.

RYHPACHANEINA 20:17

Abeipa nama Khazohpa ta bie a cha piepa hawh ei ta, Hiti mo, Amawri mo, Kâna mo, Perizi mo, Hivi mo nata Zebu mozy cha tlokhuh nama pahleipadia khai awpa a châ.

RYHPACHANEINA 20:19

“Khihpi la a chhuahpa ta bohpi dôhpa ta namâ dyuh tita, cha liata thozy pahlei a chhuahpa ta ahrei ta nama thlu awpa châ vei. A thei nama nie thei awpazy châ ei ta, nama thlu awpa châ vei. Râh liata tho namâ dyuh awpa cha, chyhsapa ma ama châ?

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.

2 THYSALAWNIKA 3:14

Ahy rai, he châpaphaopa liata eima bie a zyh vei khiahta cha, cha chyhsa cha ngia u la, nozapa ta a y thei nawpa ta, a pahlao khuh vy.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

ZAWSUA 23:13

Abeipa nama Khazohpa ta phopizy he nama hmiakô tawhta papua khao aw vei tahpa pahno muh vy. Abeipa nama Khazohpa ta râh pha ngaitapa a cha piepa tawh eina heta nama leidia khai hlâlei, âmo cha nama châta khoheih nata aphyh châ aw ei ta, nama kâ châta tuna chôchahrei châ aw ei ta, nama mokhaoh châta ahloh ama châ aw.

RYUREITUHPAZY 2:3

Chavâta tahmâ ei cha chho ei. Âmo cha nama hmiakô tawhta papua khao aw veih ei na. Nama kâzy liata ahloh hawhta cha chhô aw ei ta, ama khazohzy cha nama châta khoheih ama châ aw,” tah ta.