RYHPACHANEINA 20:16 - Mara Bible RV (BSI)

¹⁶ Abeipa nama Khazohpa ta ryuto châta a cha piepa ei liata phopizy pahrâna khihpizy liata cha, husona a hneipa kheihawhpa hmah nama pahlôh awpa châ vei.

RYHPACHANEINA 20:16 ပူးပေါင်းရင်းမြစ်များ

MALUHREINA 21:35

Chatanachata Bâsanâ bei Ôkâ nata a sawchapawzy nata a chyhsa zydua cha, pakha hmah pahlôh leipa ta ama thie khai haw. A râh chhao ama hnei haw.

MALUHREINA 31:17

Chavâta tahmâ he chapaw hawti zydua kha thie khai u la, chapaw a ziakhei ta, a pahnopathei hapa chanô zydua chhao thie khai teh u.

MALUHREINA 33:52

a râh chyhsa zydua nama hmiakô tawhta nama papua khai awpa a châ. Ama lô nothlahpa zydua parao khai aw ei chi ta, ama thua nothlah leihpa zydua chhao parao khai aw ei chi ta, ama su sâhpa zydua nama phie khai aw.

RYHPACHANEINA 20:15

Cha hawhna chata nama yna tawhta lâhlapi ta a ypa khihpi zydua chô liata nama tao aw. Nama chheipâh râhzy liata khihpizy chô liata deikua cha, cha hawhta nama tao awpa châ vei.

RYHPACHANEINA 20:17

Abeipa nama Khazohpa ta bie a cha piepa hawh ei ta, Hiti mo, Amawri mo, Kâna mo, Perizi mo, Hivi mo nata Zebu mozy cha tlokhuh nama pahleipadia khai awpa a châ.

RYHPACHANEINA 24:4

a vahpa hmiatuapa, ano a papua tuapa khata, cha chanô cha a lapinô ta hnei heih thei khao aw vei. A papuapalei hapa châ ta, a hnei heih khiahta cha, Abeipa hmiakô liata pasichhihpa a châ. Abeipa nama Khazohpa ta ryuto châta râh a cha piepa ei a pamoleisatuhpa nama châ awpa châ vei.

RYHPACHANEINA 31:5

Abeipa ta âmo cha cha pie aw ei ta, bie ei cha piepa zydua hawhna ei khata ama chô liata nama tao aw.

RYHPACHANEINA 4:21

Cha dei châ vei, nâmo vâta Abeipa cha ei chô liata a pathi ia ta, Zawdâh chaka lei awpa nata Abeipa nama Khazohpa ta ryuto châta râh phapa a cha piepa ei a ngia lei awpa ta bie eina hraikhâh haw.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

ZAWSUA 10:20

Zawsua nata Izarei sawzy ta ama chariahzy cha amâ mua khaina taihta thie ei ta. A laibâhpa chyhtazy deikua cha thokhy hneipa khihpizy lâ a râ ei ta.

ZAWSUA 10:28

Cha noh ta Zawsua ta Mâkedâ khihpi cha la ta. Khihsawzy nata ama khih bei cha zaozi ta thie ta, cha khihpi liata a ypa zydua pamo khai ta, pakha hmah pahlôh vei. Zerikô bei chô liata a taopa hawhta, Mâkedâ bei chô liata chhao tao ta.

ZAWSUA 10:40

Cha hawhna chata Zawsua ta râh zydua, tlâh râh, Neke râh, bypi râh nata pâdawhpa râhzy pahnie khaipa ta, ama bei zydua thie khai ta, pakha hmah pahlôh vei. Abeipa, Izarei Khazohpa biepiepa hawhta, husona a hneipa maih a pahleipadia khai ha ei.

ZAWSUA 11:14

Cha khihpizy hraona sôh zydua nata sahrohzy cha, Izarei sawzy ta hraona sôh châta a la ei ta, chyhsapa deikua cha ama pahleipadia khaina taihta zaozi ta thie ei ta, husona a hneipa khâpa hmah pahlôh veih ei.

ZAWSUA 6:24

Khihpi cha a chhôh liata a ypa zydua chhaota mei ta rao ei ta, tâkâ, ngôh, dawh nata thua hmobaohzy deita Abeipa o sôh sona liata soh ei ta.

ZAWSUA 8:25

Cha noh liata a thipa Ai chyhsa zydua cha chanô chapaw ta 12,000 ama châ.

ZAWSUA 8:8

Khihpi nama lapa nahta, khihpi cha mei ta nama tô aw. Abeipa bie hawhta nama tao awpa a châ. Pachâ teh u, bie ei cha pie ei hih,” tah ta.

ZAWSUA 9:24

Âmo ta Zawsua cha a chhy ei ta, “Râh zydua he nâmo cha pie awpa nata râh liata a pahrâpa zydua nama hmiakô tawhta pahleipadia khai awpa ta, Abeipa na Khazohpa ta a chakaotuhpa Mawsi hnohta bie a pie tahpa a sia ngaitapa ta pahno pi ta, nâmo vâta eima hrona pahlei awpa eima chi ngaita. Chavâta kha hawhta eima taopa a châ.

ZAWSUA 9:27

Cha noh ta Zawsua ta Kibiô mo cha zawpi châta nata Abeipa ta a maisâh y nawpa ta a raopa su châta tho pakhy awpa nata ti thaih awpa ta rao ta, cha hawhna chata tanoh taihta ama y.

ZAWSUA 9:7

Izarei chyhsazy ta Hivi mo hnohta, “Eima hry liata a pahrâ hrapa nama châ thei mâh tâh. Kheihta ma nama hnohta aryhna bie eima hraih thei aw?” tah ei ta.

1 SAMUELA 15:3

Chavâta tahmâ sie la, Amale a kei dyuh la, a hneipa zydua kei pahleipadia khai teh. Khâpa hmah na pahlôh awpa châ vei. Chanô nata chapaw, hawti nata hawsaih, viahchao nata mietaku, râraoseihpa nata alâ zy na thie khai awpa a châ,’” tah ta.