RYHPACHANEINA 20:11 - Mara Bible RV (BSI)

¹¹ Khihpi ta châ vaw ryh ei sala, nama hnohta amâ vaw hlâ khiahta cha, cha liata a pahrâpa zydua cha nama rai hriatuhpa ta y aw ei ta, ama cha chakao aw.

RYHPACHANEINA 20:11 ပူးပေါင်းရင်းမြစ်များ

1 ABEIZY 5:1

Sawlawmaw cha a paw su a thla awpa ta sathaw ama thu haw tahpa Tyre bei Hirâ ta a thei nahta, a chakaotuhpazy Sawlawmaw lâ tuah ta. Hirâ he Dâvi a pasô kawpa a châ.

2 ABEIZY 6:22

Elaisâh ta, “Na thie awpa ei châ vei. Patu chiehpazy cha na zaozi nata na libaw zy ta na thie aw ei ma? Ama hmiakô liata viahchhâ nata ti tlao vaw soh teh. Niepa ta doh ei sala, ama zibeipa lâ a lie heih mawh ei sy,” tah ta.

HLAZY 120:7

Kei cha adyhna a khohpa châ na ta, Châhrasala bie ei rei nahta, A dyuh awpa ama khoh ha tyh.

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.

RYHPACHANEINA 20:10

“A dyuh awpa ta khihpi namâ hnia tita, aryhna bie nama reih tua awpa a châ.

RYHPACHANEINA 20:12

Châ ryh khoh leipa ei sala, ama châ dyuh khiah deikua cha, khihpi cha nama dôh aw.

ZAWSUA 16:10

Keze liata a pahrâpa Kâna mo deikua cha, papua veih ei. Chavâta Kâna mo cha tanoh taihta Epharai mo hry liata pahrâ ei ta, rai hriatuhpazy ta taopa ama châ.

ZAWSUA 9:27

Cha noh ta Zawsua ta Kibiô mo cha zawpi châta nata Abeipa ta a maisâh y nawpa ta a raopa su châta tho pakhy awpa nata ti thaih awpa ta rao ta, cha hawhna chata tanoh taihta ama y.

ZAWSUA 9:8

Âmo ta Zawsua hnohta, “Châ chakaotuhpazy eima châ,” tah ei ta. Zawsua ta ama hnohta, “Ahyzy ma nama châ? Khataih lâ tawhta a vypa ma nama châ?” tah ta.

ZAWSUA 9:9

Âmo ta a hnohta, “Châ chakaotuhpazy he Abeipa na Khazohpa moh vâta râh hlapi tawhta a vypa eima châ. A thâtih vaw thei pi ta, Izi râh liata a hmotaopa zydua nata

RYUREITUHPAZY 1:28

Izarei sawzy ama tha a vaw tlô via nahta, Kâna mo cha raihriatuhpa ta tao ei ta, chavâta papua khai khao veih ei.