RYHPACHANEINA 20:1 - Mara Bible RV (BSI)

¹ “Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

RYHPACHANEINA 20:1 ပူးပေါင်းရင်းမြစ်များ

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

2 THÂTIHZYRONA 14:10

Âsâ cha Zerâ a dyuh awpa ta kei pua ta, Mâresâ liata Zephathâ saikao liata a kei paziah ei ta.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

2 THÂTIHZYRONA 20:15

Zahâzie ta, “Nâmo, Zudâh râhsaw zydua nata Zerusale khihsaw zydua nata Bei Zehôsaphâ y, nathlie teh u. Abeipa ta nama hnohta, ‘Chi leipa u la, pheisaih hri hluh ngaitapazy vâta ngiarohpa ta y hra khuh vy. Adyuhna cha nâmo adyuhna châ leipa ta Khazohpa adyuhna a châ.

HLAZY 118:6

Abeipa ta ei chhâh a châ ta, Chavâta chi aw va na. Chyhsa ta kheihta eina tah thei aw?

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

HLAZY 23:4

Thina nohpahli saikao sao hraw sah la, Hmophaleipa chi aw va na; Nâ ei hnohta y chi ta, Na sômasi nata chôchahrei ta thlah eina palôh tyh.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:7

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:8

A vy u la, Abeipa hmotaopazy he moh u la, Roryhrapa ta leilô a paysa hazie he moh tua u.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ZEREMIAH 16:14

“Chavâta pachâ teh u, nohzy a vaw tlô hai, Abeipa ta a tah. Cha tita cha ‘Izarei sawzy Izi râh tawhta a kaw chhi papuatuhpa Abeipa hrona reipa ta ei reih,’ tah khao leipa aw ei ta,

ZEKARIA 10:5

Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

MALUHREINA 10:9

Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RYHPACHANEINA 1:29

Kei ta nama hnohta, ‘Nama nô a papo leipa u la, âmo cha chi khuh vy.

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

RYHPACHANEINA 20:2

Adyuhna lâ nama sie chy ta, theihthaipa vaw pua aw ta, zawpi hnohta bie a reih aw.

RYHPACHANEINA 20:3

Theihthaipa ta zawpi hnohta, ‘Hy Izarei, nathlie teh, tanoh cha nama chariahzy a dyuh awpa ta, adyuhna lâ nama sie aw. Riahchhiepa ta y khuh vy. Chi leipa u la, a chalyu hra leipa u la, âmo vâta thlazohpa ta y khuh vy.

RYHPACHANEINA 31:6

Thatlôpa nata riahphapa ta y u la, âmo cha chi leipa u la, thlazohpa ta y hra khuh vy. Nama hnohta a siepa cha Abeipa nama Khazohpa châ ta, cha my leipa aw ei ta, cha pathlua aw veih ei,” tah ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

RYHPACHANEINA 7:18

Âmo cha nama chi awpa châ vei. Phiraoh nata Izi râh zydua chô liata Abeipa nama Khazohpa hmotaopa kha a thei thlâh ha teh u.

RYHPACHANEINA 7:21

Âmo cha nama chi awpa châ vei. Abeipa nama Khazohpa, Khazoh rônahpa nata chichhihpa nama hnohta a y.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

ZAWSUA 11:9

Abeipa ta bie a piepa hawhta, Zawsua ta ama chô liata tao ta, ama arâ chazawzy chhawh ta, ama talailihzy mei ta rao ta.

RYUREITUHPAZY 6:12

Abeipa vâlyuhchâpa a hnohta a vaw luah ta, a hnohta, “Nâ, chyhsa thatlôpa nata riahphapa y, Abeipa na hnohta a y,” tah ta.

RYUREITUHPAZY 6:16

Abeipa ta a hnohta, “Na hnohta y aw na ta, Midia mo cha chyhsa pakha thiepa hawhta na thie khai aw ei,” tah ta.

1 SAMUELA 17:32

Dâvi ta Sawla hnohta, “Ano vâna hao ta ahy hmahta palôh duapa ta y khah ei sy, châ chakaotuhpa heta Philistinâ chyhsa hao ei kei dyuh aw,” tah ta.