RYHPACHANEINA 2:4 - Mara Bible RV (BSI)

⁴ Zawpi biepie la, ama hnohta, “Seirâ liata a pahrâpa Esaw pathla nama unawhzy râh nama sie pahlie bâ aw. Cha chi kaw aw ei ta, chavâta a sohsi kaw muh vy.

RYHPACHANEINA 2:4 ပူးပေါင်းရင်းမြစ်များ

ÂTHAONA 25:23

Abeipa ta a hnohta, “Na chhi chhôh liata râh miano y ta, Na py chhôh tawhta phopi miano a vaw pua aw; Phopi miakha cha ahropa hlâta a thatlô via aw ta, A uhthei viapa ta a seihnai viapa a chakao aw,” tah ta.

ÂTHAONA 36:8

Chavâta Esaw cha Seirâ tlâh râh liata a pahrâ haw. Esaw cha Edômâ a châ.

PUASAINA 15:15

Edômâ beizy chihuhpa ta y ei ta, Môabâ pasaiphazy amâ chalyu; Kâna mo zydua chipa ta ama zao khai haw.

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

EPHESI 5:15

Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

RYHPACHANEINA 2:3

‘He tlâh chahlôpa ta bohpi sie ha ei chi ta, maw lâ pangaipa ta sie bâ muh vy.

RYHPACHANEINA 23:7

“Edômâ mo cha nama unawhpa châ ei ta, namâ hao awpa châ vei. Izi mo chhao namâ hao awpa châ vei, nâmo chhao ama râh liata mapaihpa nama châpa kha.

PHILIPI 2:15

Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.