RYHPACHANEINA 2:25 - Mara Bible RV (BSI)

²⁵ Tanoh he avâ ry liata phopi zydua chô liata nâma china nata thlazohna paysa aw na ta, na thâtih a theipa maih a chalyu aw ei ta, nâma vâta pachârôh ngaitapa ta ama y aw,’ tah ta.

RYHPACHANEINA 2:25 ပူးပေါင်းရင်းမြစ်များ

ÂTHAONA 35:5

Chatawhcha sie ei ta, Khazohpa chichhihna ta ama chheipâh khihzy cha bie khai ha ta, Zakaw sawchapawzy cha a chadai veih ei.

1 THÂTIHZYRONA 14:17

Chatanachata Dâvi moh cha râh to liata pathâh ta, Dâvi china cha Abeipa ta phopi zydua chô liata payasa ta.

HLAZY 105:38

Âmo china ta Izi cha a tla thlu hapa vâta, Ama puapa cha Izi chhao ta â ly kaw.

PUASAINA 23:27

Na hmia lâta ei chichhihna pasiesa aw na ta, na tlô awpa liata phopi zydua ama nô papo aw na ta, na khakhaipa zydua na hmiakô tawhta ei parâpaisa aw ei.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

MALUHREINA 22:3

Môabâ ta Izarei sawzy cha, ama hluh ngaitapa vâta chi ngaita ta. Izarei sawzy vâta Môabâ cha nôpopa ta y ta.

RYHPACHANEINA 11:25

Ahy ta hmah cha pahnie aw veih ei. Nama hnohta a reipa hawhta, Abeipa nama Khazohpa ta nama tlô awpa râh zydua liata nâmo china nata nâmo vâta thlazohna a paysa aw.

RYHPACHANEINA 28:10

Chatanachata Abeipa moh bipa nama châpa khizaw phopi zydua ta hmô aw ei ta, ama cha chi aw.

ZAWSUA 10:2

Chavâta chi ngaita ta. Kibiô cha khihpi lai ngaitapa, bei khihpi hawhpa châ ta. Ai khihpi hlâta lai via ta, a khihsaw chapaw zydua chhao pasaipha sai châ ei ta, chatanachôta Izarei nata aryhna a taopa vâta, Zerusale bei cha a chi ngaitapa a châ.

ZAWSUA 9:24

Âmo ta Zawsua cha a chhy ei ta, “Râh zydua he nâmo cha pie awpa nata râh liata a pahrâpa zydua nama hmiakô tawhta pahleipadia khai awpa ta, Abeipa na Khazohpa ta a chakaotuhpa Mawsi hnohta bie a pie tahpa a sia ngaitapa ta pahno pi ta, nâmo vâta eima hrona pahlei awpa eima chi ngaita. Chavâta kha hawhta eima taopa a châ.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.