RYHPACHANEINA 2:24 - Mara Bible RV (BSI)

²⁴ “Abeipa ta, ‘Thyu u la, sie u la, Anaw saikao chaka teh u. Moh teh u, Amawri chyhsa Hesbaw bei Sihaw nata a râh cha nama ku liata ei cha pie ha ei. A râh hnei pathao u la, ano cha a dyuh teh u.

RYHPACHANEINA 2:24 ပူးပေါင်းရင်းမြစ်များ

2 THÂTIHZYRONA 36:23

“Persia bei Kôresâ ta hetana heta a tah, ‘Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie. Nama hry liata ano phopi a châpa maih chô liata Abeipa a Khazohpa cha a hnohta y sala, Zerusale lâ cha khy mawh sy,’” tah ta.

EZRÂ 1:2

“Persia bei Kôresâ ta hetana heta a tah: Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

EZEKIA 29:20

Babylaw bei cha keima châta a hriatuhpa a châpa vâta, Izi râh cha a hriapasana hlao châta ano ei pie aw, Abeipa Zehôvâh ta a tah.

DÂNIAH 2:38

avâ Khazohpa ta beinarâh, biehneina, thatlôna nata rônahna zy cha pie ta; chyhsa sawzy, râhsazy nata avâ liata pavawzy pahrâna su zydua cha pie ta, âmo chô liata ryureituhpa ta a cha tao. Ngôh luh kha nâma na châ.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

MALUHREINA 21:12

Cha tawhna chata sie heih ei ta, Zere saikao liata yna su paryh ei ta.

RYHPACHANEINA 2:36

Anaw saikao chhâna liata Arôerâ nata saikao liata khihpi a ypa tawhta Kilia taihta, thokhy a sâh tupa khihpi eima châta y vei. Abeipa eima Khazohpa ta eima ku liata miah a pie khai haw.

ZAWSUA 6:16

Ei sarina ama chahlô nahta, theihthaipazy ta chiahmie tô ei ta, Zawsua ta zawpi hnohta, “Awh teh u, Abeipa ta khihpi he a cha pie ha ei.