RYHPACHANEINA 2:15 - Mara Bible RV (BSI)

¹⁵ Riehmo tawhta a pahleipadia khai hlâlei ei cha, Abeipa ku ta âmo cha â dyuh lymâ ei.

RYHPACHANEINA 2:15 ပူးပေါင်းရင်းမြစ်များ

HLAZY 106:26

Chavâta a ku chalopa ta âmo cha bie a taih ta, Râhchawhpa liata a papaosa awpa kyh a chho ei.

HLAZY 32:4

Chhô nah zâ ta na ku ta na vi ta, Châhvâ nokâh ta ti a pakuapa hawhta, Ei thatlôna a kua haw. Selah

HLAZY 78:33

Chavâta ama nohzy cha, Hu ei kha sopa hawhta a lei awpa ta tao ta; Ama kôzy chhao, China ta kô châh a padisa ei.

ISAI 66:14

Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

MALUHREINA 14:28

Chavâta ama hnohta, ‘Ei hrona reipa ta ei reih, ei nah theina liata nama reipa hawh tlai ta, kei chhao ta nama chô liata ei tao hra aw:

1 KAWRINI 10:5

Châhrasala ama hry liata chyhsa hluh via chô liata Khazohpa palôh châ leipa ta, ama rizy râhchawhpa liata hiepatlapa ta a y.

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.

RYUREITUHPAZY 2:15

Hrâ ama siena maihta, Abeipa ta a reipa nata ama hnohta bie â taihpa hawhta, Abeipa ku tlai ta âmo cha â dyuhpa vâta, pahniepa ama châ lymâ. Chavâta ama pachâ a rôh ngaita.

1 SAMUELA 5:11

Chavâta chyhsa tuah ei ta, Philistinâ bei zydua awpakhy ei ta, ama hnohta, “Izarei Khazohpa Byh he pasiesa syulyu ha teh u. Keimo nata eima phopi he miah a thie khao lei nawpa ta, a yna su dopa lâ kua heih mawh sy,” tah ei ta. Khihpi chhôh zydua liata chhiena rarôh ypa tlô ta, Khazohpa ta khihpi chô liata ku a pathlapa cha a hri ngaita ta.

1 SAMUELA 5:6

Abeipa ku ta Asadô chyh­sazy cha vi ta, âmo cha pahleipadia ta, Asadô nata a chheipâh khihzy cha kheihluh ta hrie ta.

1 SAMUELA 5:9

Khihpi ama tlôkhei nahta, Abeipa ta khihpi chô liata a ku pathla ta, khihpi cha thata a tymâ ta, khihpi chyhsazy cha a lai a chyh ta hrie ta, ama keihkhaohzy lâ taihta kheihluh pathlasa ta.

1 SAMUELA 7:13

Chatanachata Philistinâ mo cha pahniepa ta y ha ei ta, Izarei râh siehnao heih khao veih ei. Samuela hro chhôh zydua cha, Abeipa ku ta Philistinâ mo cha â dyuh lymâ.