RYHPACHANEINA 2:14 - Mara Bible RV (BSI)

¹⁴ Kâdesbânia tawhta vaw pua pi ta, Zere chavah eima chakana taihta eima viavi chhôh zydua cha kô sythôh nata kô charie a châ. Cha daihti chhôh ta, Abeipa ta zikyu â râ hapa hawh ei ta, cha chhâ liata chariah a dyuh theipa pheisaih zydua riehmo tawhta ama leidia khai haw.

RYHPACHANEINA 2:14 ပူးပေါင်းရင်းမြစ်များ

HLAZY 106:26

Chavâta a ku chalopa ta âmo cha bie a taih ta, Râhchawhpa liata a papaosa awpa kyh a chho ei.

HLAZY 90:15

Pasa miah na pataosana noh zie ta, Thaphana miah pie heih la; Chhiena eimâ tyhna kô zie ta, Thaphana miah pie heih mah y.

HLAZY 90:3

Chyhsapa cha dohlei lâ pakuasa tyh chi ta, A hnohta, “Hy chyhsa saw saih u, Dohlei lâ kua heih teh u!” na tah tyh.

HLAZY 90:9

Na pathiiana ry liata eima noh zydua lei ta, Ahrôna ta eima kôzy eima pachhâ tyh.

HLAZY 95:11

Chavâta pathi iapa ta bie a taih na ta, “Ei pahâna liata a ngia aw veih ei,” Ei vaw tah hapazy ama châ.

EZEKIA 20:15

Cha dei châ vei, ama hnohta râh ei piepa ei, sâhpiti nata kheihti lona râh, râh zydua hry liata râh ngia chaipa lâ a chhi lei awpa ei ta, râhchawhpa liana khata chyhu sapa ei ta.

MALUHREINA 1:1

Izi râh ama puasai tawhta kô nona, thla nona, noh khana noh ta, Sinai râhchawhpa liata ahmaohna poh o liata Abeipa ta Mawsi bie a chho ta, a hnohta,

MALUHREINA 13:26

Pârâ râhchawhpa Kâdesâ liata Mawsi nata Arawna nata Izarei zawpi zydua yna vaw tlô ei ta. Mawsi nata Arawna nata zawpi zydua hnohta bie vaw phaoh ei ta, a râh theilâpazy chhao pahmô ei ta.

MALUHREINA 32:11

‘Izi râh tawhta a kaw puapa, kô kih tawhta chô lâ chyhsazy cha, palôh tlokhuh ta eina zi leipa vâ ei ta, ahy hmah Abarahâ, Aisika nata Zakaw zy hnohta pie awpa ta bie ei taihpa râh hmô aw veih ei.

1 KAWRINI 10:5

Châhrasala ama hry liata chyhsa hluh via chô liata Khazohpa palôh châ leipa ta, ama rizy râhchawhpa liata hiepatlapa ta a y.

RYHPACHANEINA 1:19

“Abeipa ta bie miah a piepa hawhta, Hôribâ tlâh tawhta pua pi ta, Amawri tlâh râh lâpi, râhchawhpa kawh ngaitapa nata chichhih ngaitapa nama hmôpa zydua kha siepahlie khaipa ta, Kâdesbânia khih tlô pi ta.

RYHPACHANEINA 1:2

Hôribâ tawhta Kâdesbânia cha Seirâ Tlâh lâpi lâta noh hrawh hleikha sie a châ.

RYHPACHANEINA 1:46

Chavâta Kâdesâ liata noh hluhpi châh ei chi ta, noh hluhpi tlai cha liata nama ypa kha a châ.

RYHPACHANEINA 2:13

Abeipa ta, “Thyu u la, Zere chavah chaka teh u,” tah ta. Chatanachata Zere chavah cha chaka pi ta.

RYHPACHANEINA 2:16

“Chariah a dyuhpa chyhsa zydua zawpi hry tawhta leidia ei ta, ama thi khai tawhta,

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

ZAWSUA 24:7

Châ pathlatuhpazy ta Abeipa pado ei ta, nâmo nata Izi mo likawh liata zohna vaw soh ta, Izi mo cha tilaipi ta pavaosa ta, a pamôh khai ha ei. Izi râh liata ei hmotaopa kha nama mo tlai ta hmô ta. Râhchawhpa liata bohpi nama y.

ZAWSUA 5:4

He he Zawsua ta ama chopaw a taina chhâpa a châ: Izi râh tawhta a kaw puapa chariah adyuhpa chapaw zydua kha, Izi râh tawhta ama pua tawhta râhchawhpa lâpi liata thi khai ha ei ta.

ZAWSUA 5:6

Izarei sawzy ta Abeipa ao ama nathlie khoh leipa vâta, ama pathlatuhpazy hnohta pie awpa ta Abeipa ta bie â taihpa sâhpiti nata kheihti lona râh pahmôsa lei awpa ta Abeipa ta ama hnohta bie â taih haw. Chatanachata Izi râh tawhta a kaw puapa, chariah a dyuhpa Izarei phopi chapaw zydua ama leidia khai hlâlei, Izarei sawzy cha râhchawhpa liata kô sypalih chhôh ama viavi.

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.