RYHPACHANEINA 18:4 - Mara Bible RV (BSI)

⁴ Nama sâh, nama kresawhti nata nama sathaw a veih tuapa nata nama mietaku hmi ngyu tuapa zy chhao theihthaipa nama pie aw.

RYHPACHANEINA 18:4 ပူးပေါင်းရင်းမြစ်များ

ZAWBÂ 21:20

Ama mo tlai ta ama raona cha hmô ei sala, Atotaotheipa pathiiana cha doh mawh ei sy.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:19

“Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

THEIHTHAINA 23:10

“Izarei sawzy chho la, ama hnohta hetana heta reih teh: Râh ei cha piepa ei tlô aw ei chi ta, a kôvei sâh nama hria tita, nama sâh a daih tuapazy tawhta sapiah miakha theihthaipa lâ nama vaw cheih awpa a châ.

THEIHTHAINA 23:17

Chaluahpa hlâna ta Abeipa lâ thei hmiatuapazy hlâ awpa ta, nama pahrâna suzy tawhta, viahchhâ tlâ no nata viahdie dipa thinô pahlaopa ta taopa kachu su hrawh su no nama cheih awpa a châ.

RAWMA 8:23

Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.