RYHPACHANEINA 18:3 - Mara Bible RV (BSI)

³ Hezy he theihthaipazy tovyuh a châ aw: Atheihna a hlâtuhpazy ta viahchao tôhpa nata mietaku ama hlâpa tawhta a palaih nata a ôhkhaih kârano nata a pavyhzy cha, theihthaipa ama pie awpa a châ.

RYHPACHANEINA 18:3 ပူးပေါင်းရင်းမြစ်များ

PUASAINA 29:27

Chaluahpa hlâna châta chaluah hapa, Arawna nata a sawchapawzy chahnaona mietaku tôhpa palôh nata chalopa hlâna châta chalo hapa phei cha na pathaisa awpa a châ.

PUASAINA 29:28

A phei cha Arawna nata a sawchapawzy ta Izarei sawzy tawhta chhâzaw ta ama to awpa a châ. Cha cha chalopa hlâna a châ. Aryhna hlâna atheihnazy tawhta Izarei sawzy ta ama hlâ awpa chalopa hlâna châ ta, Abeipa lâta ama hmohlâpa a châ aw.

THEIHTHAINA 22:7

Noh a tla nahta pathaih aw ta, cha khai tawhta hmo pathaihpazy a nie thei aw, chazy cha ano nie awpa a châpa vâta.

MALUHREINA 18:11

“Hezy chhao na tovyuh a châ: Ama chalopa hlâna hmopiepa nata Izarei sawzy chaluahpa hlâna zydua cha, nâ nata na hnohta a ypa na sawchapawzy nata na sawchanôzy hnohta chhâzaw ta nama tovyuh châta ei cha pie ei. Na o liata chyhsa pathaihpa maihta ama nie thei aw.

MALUHREINA 18:12

Abeipa lâta ama hlâpa sathaw pha chaipa, kresawhti pha chaipa, sâh pha chaipa nata thei hmiatua chaipazy ei cha pie.

RYHPACHANEINA 12:27

Nama raopa hlânazy cha Abeipa nama Khazohpa maisâh liata a sapa nata a thisaih nama hlâ aw. Namâ theihna thisaih cha Abeipa nama Khazohpa maisâh liata patlai aw chi ta, a sa deikua cha nama nie thei aw.