RYHPACHANEINA 18:2 - Mara Bible RV (BSI)

² Ama unawhzy hry liata ryuto hnei aw veih ei. Abeipa ta bie â taihpa hawh ei ta, Abeipa cha ama ryuto a châ.

RYHPACHANEINA 18:2 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

HLAZY 119:57

Hy Abeipa, nâ cha ei tovyuh châ chi ta, Na bie zyh awpa ta bie ei châ vaw taih haw.

HLAZY 16:5

Abeipa, nâ cha ei vyuh nata ei nyu châ chi ta, Ei tovyuh na pabohsa tyh.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

CHAPHÔHTUNA 3:24

Chavâta ei hro ta, “Abeipa cha ei tovyuh châ ta, Chavâta ano liata ei hnabei a seih aw,” a tah.

EZEKIA 44:28

“He he ama ryuto a châ aw: Kei he ama ryuto châ na ta, chavâta Izarei liata tovyuh nama pie awpa châ vei. Kei he ama tovyuh awpa cha ei châ.

MALUHREINA 18:20

Abeipa ta Arawna hnohta, “Ama râh liata ryuto hnei leipa aw chi ta, ama hry liata tovyuh hnei hra aw va chi. Izarei sawzy hry ta na tovyuh nata na ryuto cha kei he ei châ.

MALUHREINA 18:7

Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

RYHPACHANEINA 10:9

Chavâta Livai cha a unawhzy hry liata tovyuh nata ryuto hnei vei. Abeipa nama Khazohpa ta a hnohta a reipa hawhta, Abeipa cha a ryuto a châ.

ZAWSUA 13:14

Livai chi deikua cha Mawsi ta ryuto râh pie vei. Abeipa ta Mawsi hnohta a vaw rei hapa hawhta, Livai ryuto awpa cha Abeipa Izarei Khazohpa lâta mei ta hmohlâpazy a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.