RYHPACHANEINA 18:16 - Mara Bible RV (BSI)

¹⁶ Hôribâ liata ahmaohpakhy noh ta, nâmo tlai ta, ‘Abeipa eima Khazohpa ao cha keimo ta thei khao leipa aw pi ta, mei ru ngaitapa chhao he hmô khao leipa ta eima y aw, chataleipatala eima thi pathlei aw,’ tah ei chi ta, Abeipa nama Khazohpa lâta nama khozie namâ hawpa hawhna khata, keima hawhpa hrohsopa a cha paduapa aw ei.

RYHPACHANEINA 18:16 ပူးပေါင်းရင်းမြစ်များ

PUASAINA 20:18

Chyhsa zydua ta tôkalôhpa, dôhla, chiahmie pyu nata tlâh liata meikhuh zy cha ama hmô nahta, chipa ta a chalyu ei ta, lâhlapi liata a duah ei ta.

PUASAINA 20:19

Mawsi hnohta, “Nâ ta eima hnohta bie vaw reih la, eima nathlie aw. Khazohpa eima hnohta bie pareisa khao khah y. Chataleipatala eima thi pathlei aw na,” tah ei ta.

ZEREMIAH 1:9

Chatawhcha Abeipa ta a ku vaw pazawhpa ta ei pakah vaw hria ta. Abeipa ta ei hnohta, “Moh tua, na pakah liata ei biezy ei soh haw.

RYHPACHANEINA 1:6

“Abeipa eima Khazohpa ta Hôribâ tlâh liata bie miah chho ta, ‘He tlâh liata bohpi tlai nama y haw.

RYHPACHANEINA 10:4

Abeipa ta lôphia hmiatuapazy liata a ropa, namâ pôhpakhy noh ta tlâh liata mei hry tawhta nama hnohta a reipa Biepiepa Miahrawh kha, lôphiazy liata roh heih ta. Cha cha Abeipa ta na pie ta.

RYHPACHANEINA 9:10

Abeipa ta bie rona lôphia miano, Khazohpa kudy ta ropa na pie ta, cha liana chata namâ pôhpakhy noh ta tlâh chô liata mei hry tawhta Abeipa ta nama hnohta bie a reipa zydua ropa a châ.

HEBRAI 12:19

chiahmie tôpa pyu nata a bie reipa ao vâta, a theituhpazy ta ama hnohta bie hropa rai rei khao lei awpa ta amâ hawna tlâh lâ a vypa châ veih ei chi.