RYHPACHANEINA 18:10 - Mara Bible RV (BSI)

¹⁰ Ama sawchapaw nata sawchanô mei liata a hlâpazy, pachaothaipazy, kulâmohthaipazy, moliethaipazy nata peihthaipazy nama hry liata ama y awpa châ vei.

RYHPACHANEINA 18:10 ပူးပေါင်းရင်းမြစ်များ

ÂTHAONA 44:5

Kha nyu kha ei zibeipa Kresawhti dona nata a pachaona nyu mah a châ tâh. Nama hmotaopa a pha lei ngaita,’ tah mah y,” tah ta.

2 ABEIZY 16:3

Izarei beizy lâpi tlao a chhih hra ta. Abeipa ta Izarei sawzy hmiakô liata a papua hapa phopizy ta hmo pasichhih ngaitapa ama tao tyhpazy tao hrapa ta, a sawchapawpa cha raopa hlâna ta hlâ ta.

2 ABEIZY 17:15

Ama pathlatuhpazy hnohta bieraopa nata biehrai a taopazy nata zikyurâna a piepazy cha tlyhnypa ta, nothlahpa hraoleipazy pangai ei ta, âmo chhao hraoleipa ama châ haw. Abeipa ta ama taozie hawhta tao lei awpa ta bie a vaw pie hapa, ama chheipâh liata phopizy taozie ama zi lymâ.

2 ABEIZY 17:17

Ama sawchapawzy nata ama sawchanôzy raopa hlâna atheihna ta hlâ ei ta, pachaopazy nata dyuzy hmâh ei ta, Abeipa mohmô liata hmo pha leipa tao awpa ta âmosasyh a zuah ei ta, Abeipa hie ama pahâh tyh.

2 ABEIZY 21:6

A sawchapawpa cha raopa hlâna atheihna ta hlâ ta, kulâmopa nata pachaopa zy hmâh ta, peihthaipa nata athihpa bie a chho thaipazy â saohiah tyh. Abeipa mohmô liata hmo pha leipa tao ta, Abeipa hie pahâh ha ta.

2 ABEIZY 23:24

Cha dei châ vei, Abeipa o liata theihthaipa Hikia ta a hmôpa châbu liata ryhpa bie ropazy a pa-i thei nawpa ta, pachaothaipazy, dyuthaipazy, chhôhkha khazohzy, khazoh nothlahpazy nata Zudâh râh nata Zerusale khihpi liata pasichhihpa ama hmô tyhpa zydua cha, Zôsia ta a pahleipadia khai ha ei.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

2 THÂTIHZYRONA 28:3

Hinô Sawchapawpa Saikao liata atheihnazy hlâ ta, Abeipa ta Izarei phopi hmiakô liata a papua hapa phopizy ta pasichhihpa ama taopazy tao hra ta, a sawchapawzy mei ta raopa ta atheihna ta hlâ ta.

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

PUASAINA 22:17

Chanô paw ta a pahneisa khoh ngâsâ leipa khiahta cha, laihsa kôpazy nômâ zie sôh a pie pyly awpa a châ.

PUASAINA 22:18

“Dyuthaipa chanô na pahlôh awpa châ vei.

ISAI 47:13

Ryhraona tao awpa na hnei hluhpa vâta, Na rie a thei kaw khawh; Avâ liata hmozy a pahrua thaipazy cha a vaw duah ei sala, Awhsi a moh thaipazy a vaw duah hra ei sala, Thlâpâ diehpa moh ta, Na chô liata hmo a tlô awpa châ chho tyhpazy chhao, A vaw duah ei sala, Cha pachha mawh ei sy.

ZEREMIAH 27:10

Nama râh tawhta lâhlapi lâ a chhipa nama châ thei nawpa ta, haipa ta hrohsona bie nama hnohta a phuahpazy ama châ. Cha to papua aw ei na ta, nama leidia aw.

ZEREMIAH 27:9

“Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

ZEREMIAH 32:35

Hinô Sawchapawpa Saikao liatapa Bâlâ achhyna su sâhpazy padua ei ta, ama sawchapawzy nata ama sawchanôzy Môleka lâ ama hlâ tyh. Zudâh pamoleisa nawpa ta, he hmo pasichhihpa tao awpa heta, biepie leipa ei na ta, ei palôh liata chhao a lâ beih vei.

ZEREMIAH 7:31

Ama sawchapawzy nata ama sawchanôzy mei liata rao nawpa ta, Hinô Sawchapawpa Saikao liata Tôphe su sâhpazy ama padua. Chazy cha keima biepiepa châ leipa ta, ei palôh liata chhao a ngia beih vei,” Abeipa ta a tah.

THEIHTHAINA 19:26

“A thisaih chhaota khâpa hmah nama nie awpa châ vei. Dyuzy nama tao awpa châ leipa ta, pachaopazy nama hmâ awpa châ vei.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

THEIHTHAINA 20:6

“Apeihpazy nata ahripa lâta pachaona a taopazy pangaipa ta, âmo pazipa ta a sihryhpa cha, cha chyhsa cha a heihnao aw na ta, a phopi tawhta ei chhawh pathlah aw.

MIKÂ 5:12

Dyuthaipazy na ku tawhta chhawh pathlah aw na ta, Kulâ moh thaipazy hnei khao aw va chi.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

HMOTAOPAZY 19:19

Dyuthaipa hluhpi ta ama châbuzy vaw cheih ei ta, chyhsa zydua mohmô ta mei ta rao ei ta. A mâ reipati ei ta, tâkâ thy pangawh mâ dua a châ.

HMOTAOPAZY 8:9

Chyhsa pakha a moh Saimaw ama tahpa y ta. Ano cha dyu hmâpa ta, chyhsa rônahpa pakha hawhta a reih ta, Samâri khihsawzy noâh ngaitapa ta a vaw paysa tyhpa a châ.

KALATIA 5:20

nothlahpa achhyna, dyuthaina, ahaona, ahryuna, hiatliana, pathichhiena, ateina, apananona, achhaihna,

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 28:3

Samuela cha thi ha ta, Izarei zydua ta ano châta mâchhiesa ei ta, ano khih, Râmâ liata ama pabu hapa kha châ ta. Peihthaipazy nata dyuthaipazy chhao Sawla ta râh tawhta papua khai ha ta.

1 SAMUELA 28:7

Sawla ta a chakaotuhpazy hnohta, “Peihthaipa chanô na tluapa teh u, ano lâ sie aw na ta, ei saohiah aw,” tah ta. A chakaotuhpazy ta a hnohta “Enadaw khih liata peihthaipa chanô a y,” tah ei ta.

1 SAMUELA 28:8

Sawla cha a hmisâ nata â tobizie panano ta, ano nata chyhsa hropa pano chhaota sie ei ta. Chanô yna cha zâ ta kei tlô ei ta. Sawla ta, “Peihpa ta thlahpa nâ saohiahpa la, a moh ei cha chhopa maih na awpa mah y,” tah ta.

1 SAMUELA 28:9

Chanô ta a hnohta, “Pachâ teh, Sawla hmotaopa pahno chi ta, peihthaipa nata dyuthaipazy râh tawhta a pahlei khai hazie na pahno. Khazia ei hrona he khoheih chôkhâhpa ta, ei chô liata thina patlôsa nâ chhuah tly?” tah ta.