RYHPACHANEINA 18:1 - Mara Bible RV (BSI)

¹ “Theihthaipa chi Livai pathla zydua cha, Izarei sawzy hry liata tovyuh nata ryuto ama hnei hra awpa châ vei. Abeipa lâta mei ta hmohlâpazy ama nie awpa châ ta, cha cha ama ryuto a châ.

RYHPACHANEINA 18:1 ပူးပေါင်းရင်းမြစ်များ

ZEREMIAH 33:18

Livai chizy chhao ei mohmô liata raopa hlânazy a hlâ awpa, niepa hlânazy a rao awpa nata atheihnazy a hlâ lymâ awpa theihthaipa a phahla aw veih ei.”

EZEKIA 44:28

“He he ama ryuto a châ aw: Kei he ama ryuto châ na ta, chavâta Izarei liata tovyuh nama pie awpa châ vei. Kei he ama tovyuh awpa cha ei châ.

MALUHREINA 18:20

Abeipa ta Arawna hnohta, “Ama râh liata ryuto hnei leipa aw chi ta, ama hry liata tovyuh hnei hra aw va chi. Izarei sawzy hry ta na tovyuh nata na ryuto cha kei he ei châ.

MALUHREINA 26:62

Livai chi maluh rei theipa chapaw thla kha tawhta chô lâ zydua cha 23,000 ama châ. Âmo cha Izarei sawzy hry liata ryuto râh pie leipa ama châpa vâta, Izarei sawzy maluh reina liata rei pâpa châ veih ei.

RYHPACHANEINA 10:9

Chavâta Livai cha a unawhzy hry liata tovyuh nata ryuto hnei vei. Abeipa nama Khazohpa ta a hnohta a reipa hawhta, Abeipa cha a ryuto a châ.

RYHPACHANEINA 12:19

Nama râh liata nama pahrâ chhôh ta, Livai chi pathlua lei awpa ta a vaih teh u.

ZAWSUA 13:14

Livai chi deikua cha Mawsi ta ryuto râh pie vei. Abeipa ta Mawsi hnohta a vaw rei hapa hawhta, Livai ryuto awpa cha Abeipa Izarei Khazohpa lâta mei ta hmohlâpazy a châ.

ZAWSUA 13:33

Livai chi deikua cha, Mawsi ta ryuto râh pie vei. Abeipa ta ama hnohta a rei hapa hawhta, Abeipa, Izarei Khazohpa cha ama ryuto a châ.

ZAWSUA 18:7

Livai chi deikua cha, Abeipa theihthaina raihria cha ama ryuto a châpa vâta, nama hry liata tovyuh hnei aw veih ei. Kâdâ, Rubena nata Manase chi khophie chhao Zawdâh haosâ nochhi lâ liata Abeipa chakaotuhpa Mawsi ta ama ryuto râh a vaw piepa kha ama to hra,” tah ta.