RYHPACHANEINA 17:9 - Mara Bible RV (BSI)

⁹ Cha daihti liata Livai chi theihthaipazy nata ryureituhpazy lâ vawh aw ei chi ta, ama hnohta nama tlôkhei aw. Âmo ta bietluna ama cha chho aw.

RYHPACHANEINA 17:9 ပူးပေါင်းရင်းမြစ်များ

1 THÂTIHZYRONA 26:29

Izah pathlazy tawhta Khenaniah nata a sawchapawzy cha, Achhyna o raihriazy piepa châ leipa ei ta, Izarei râh chakaona rai hria awpa ta hyutuhpa nata ryureituhpazy ta raopa ama châ.

PUASAINA 18:16

Biepeipa ama hnei tita, kei lâ a vykhei ei ta, kei ta ama likah bie cha pachiapa ei na ta, Khazohpa bieraopa nata a ryhpazy ei pahnosa tyh ei,” tah ta.

PUASAINA 22:8

Parutuhpa hmôpa a châ vei khiahta cha, parupa sôh avaotuhpa o hneituhpa cha Khazohpa a hnia aw ta, a vaih hmo cha ano ku ta a la nata la lei pasiapa a châ aw.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

EZEKIA 44:24

“Lyuh atuana a y tita, pachiatuhpa rai hria aw ei ta, ei pachiazie hawhta ama pachia awpa a châ. Kyhchhi ei raopazy liata, ei ryhpazy nata ei bieraopazy ama zyh awpa châ ta, ei pahânohzy ama pathaisa awpa a châ.

HÂKAI 2:11

“Pheisaihzy Abeipa ta hetana heta a tah: Ryhpa kyh liata theihthaipazy hiahri teh:

ZEKARIA 3:7

“Pheisaihzy Abeipa ta hetana heta a tah: Ei lâpizy a chhihpa ta, ei biepiepazy na zyh khiahta cha, ei o liata ryurei aw chi ta, ei dôhpachhôh tlyhmia liata chhao biehnei aw chi ta, he liata chakaotuhpazy hry liata su ei cha pie aw.

ZEKARIA 7:3

Pheisaihzy Abeipa o liata a ypa theihthaipazy nata hrohsopazy hnohta, “Kô hluhpi ei vaw tao tyhpa hawhta, thla pangawhna a vaw diehna maihta apananopa ta kâhvileipa ta nata mâchhiesapa ta ei y aw ma?” tahpa ta hiahri ei ta.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.

RYHPACHANEINA 17:10

Abeipa ta â tlyh awpa su tawhta bietluna ama cha chhopa hawhta tao aw ei chi ta, ama cha pachupa hawhta pakhâta ta nama tao aw.

RYHPACHANEINA 21:5

Chatawhcha Livai sawchapaw theihthaipazy hmia lâ ama vaw pua aw. Âmo cha Abeipa nama Khazohpa ta ano chakao awpa nata Abeipa moh ta byhnâ aw awpa ta a raopazy ama châ. Chavâta biepeipa nata atudaina kyhzy cha âmo pachiazie hawhta a châ aw.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.