RYHPACHANEINA 17:8 - Mara Bible RV (BSI)

⁸ “Thisaih a palona kyh tlyma, kheihawhpa vâta leihna kyh tlyma, atudaina kyh tlyma, nama yna khih liata biepeipa kheihawhpa rai châ sala, nâmo pachia awpa biepeipa rupa nama hnohta ama vaw tlôkhei khiahta cha, thyu aw ei chi ta, Abeipa nama Khazohpa ta â tlyh awpa su lâ nama sie aw.

RYHPACHANEINA 17:8 ပူးပေါင်းရင်းမြစ်များ

2 SAMUELA 15:2

Absalaw cha mydi ta thyu ta, thokhy chhikao lâpi kiah liata a duah tyh ta. Bie pachia awpa abei hnohta a vaw tlôkheipa maih Absalaw ta aw ta, a hnohta, “Khataih khihpa ma na châ?” tah ta. Ano ta, “Châ chakaotuhpa he Izarei chi, cha hawh kha hawhpa na ei châ,” a tah nahta,

1 THÂTIHZYRONA 26:29

Izah pathlazy tawhta Khenaniah nata a sawchapawzy cha, Achhyna o raihriazy piepa châ leipa ei ta, Izarei râh chakaona rai hria awpa ta hyutuhpa nata ryureituhpazy ta raopa ama châ.

PUASAINA 18:15

Mawsi ta a puhpa hnohta, “Zawpizy he Khazohpa a saohiah awpa ta kei lâ a vypa ama châ.

PUASAINA 18:26

Âmo chata zawpi cha pachia ei ta, bie rupa maih Mawsi lâ tlôkhei ei ta, bie chynawhpa deikua cha, âmo ta ama pachia lymâ.

PUASAINA 21:20

“Chyhsa ta a seichapaw tlyma, a seichanô tlyma, chôchahrei ta tu sala, ano ku liata a thi khiahta cha, cha chyhsa cha hrie thlyu awpa a châ.

PUASAINA 21:22

“Chyhsa amâ tu nota, chanô nawh hneipa tu pathlei ha ei sala, a nawh rao sala, pasana hropa deikua a y leipa khiahta cha, chanô vahpa ta a pacheisa awpa zie reih aw ta, ryureituhpazy paryhsapa hawhta a cheih awpa a châ.

PUASAINA 21:28

“Viahchao tôhpa ta chapaw tlyma, chanô tlyma a daihsao khiahta cha, cha viahchao tôhpa cha alô ta vawhsao thlyu awpa châ ta, a sa nie awpa châ vei. Viahchao tôhpa hneituhpa deikua a pathaih aw.

PUASAINA 22:2

“Parutuhpa cha chyhsa o a ngiapa ta a paru hai nota hmôpa châ sala, tusaopa a châ khiahta cha, a tusaotuhpa chô liata thisaih maoh y aw vei.

PUASAINA 22:8

Parutuhpa hmôpa a châ vei khiahta cha, parupa sôh avaotuhpa o hneituhpa cha Khazohpa a hnia aw ta, a vaih hmo cha ano ku ta a la nata la lei pasiapa a châ aw.

EZEKIA 44:24

“Lyuh atuana a y tita, pachiatuhpa rai hria aw ei ta, ei pachiazie hawhta ama pachia awpa a châ. Kyhchhi ei raopazy liata, ei ryhpazy nata ei bieraopazy ama zyh awpa châ ta, ei pahânohzy ama pathaisa awpa a châ.

HÂKAI 2:11

“Pheisaihzy Abeipa ta hetana heta a tah: Ryhpa kyh liata theihthaipazy hiahri teh:

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALUHREINA 35:11

chyhsa a thie tlamawpa lianycheihpa a râ nawpa ta, khihpi thokha cha abohna khihpizy ta nama rao aw.

MALUHREINA 35:16

“Thua chhaichhi hmâpa ta chyhsa phy sala, cha chyhsa cha a thi khiahta deikua cha, liany a cheihpa châ ta, lianycheihtuhpa cha thie thlyu awpa a châ.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:14

Nama raopa hlânazy cha, nama chizy hry tawhta Abeipa ta â tlyh awpa chi pahrâna su liata hlâ tyh aw ei chi ta, cha liata nama hnohta ei biepiepa zydua nama tao tyh aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 19:17

biepeipa a hneipazy cha, cha daihti liata theihthaipazy nata ryureituhpazy lâ ama pano ta vawh aw ei ta, Abeipa hmiakô liata amâ duah aw.

RYHPACHANEINA 19:4

“Abohna khihpizy lâ a râ thei awpazy cha, kha hlâta hmiahaona hnei hlei leipa ta a vaih a thie tlamawpazy ama châ aw.

RYHPACHANEINA 21:5

Chatawhcha Livai sawchapaw theihthaipazy hmia lâ ama vaw pua aw. Âmo cha Abeipa nama Khazohpa ta ano chakao awpa nata Abeipa moh ta byhnâ aw awpa ta a raopazy ama châ. Chavâta biepeipa nata atudaina kyhzy cha âmo pachiazie hawhta a châ aw.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.