RYHPACHANEINA 17:6 - Mara Bible RV (BSI)

⁶ Thie awpa cha, pahnokheituhpa pano tlyma, pathôh tlyma pahnokheina bie ta thie awpa a châ. Pahnokheituhpa pakha bie ta thie awpa châ vei.

RYHPACHANEINA 17:6 ပူးပေါင်းရင်းမြစ်များ

MALUHREINA 35:30

Chyhsa ta chyhsa a thie khiahta cha, pahnotuhpazy pakah tawhta bie a puapa ta thie awpa a châ. Châhrasala pahnotuhpa pakha bie dei ta chyhsa ahy hmah thie awpa châ vei.

MATHAI 18:16

A cha nathlie vei khiahta cha, bie to pahnotuhpa pano tlyma, pathôh tlyma pakah liata pa-ipa ta a y thei nawpa ta, chyhsa hropa pakha tlyma, pano tlyma, na hnohta a chhi mah y.

ZAWHÂNA 7:51

“Thaichâna bie pareisa ha tua leipa nata a hmotaopazy pahno ha tua leipa ta, eima ryhpa ta chyhsa thailei a pachâsa thei rai ma?” tah ta.

2 KAWRINI 13:1

He he nâmo lâ ei vy ei thôhna awpa a châ. Leihna biezy cha pahnokheituhpa pano tlyma, pathôh tlyma bie ta pa-i awpa a châ.

RYHPACHANEINA 19:15

“Ryhpa paraopa vâta tlyma, kheihawhpa hmo paraopa vâta tlyma leihpa chyhsa cha, pahnokheituhpa pakha bie ta thailei pachâsa awpa châ vei. Pahnokheituhpa pano bie ta tlyma, pahnokheituhpa pathôh bie ta tlyma pa-i awpa a châ.

1 TIMAWTHY 5:19

Awnanopa chhituhpa leihna cha, pahnotuhpa pano tlyma, pathôh tlyma ama y leipa khiahta cha, nâ pyh awpa châ vei.

HEBRAI 10:28

Mawsi ryhpa a papeisa leipazy cha, pahnokheituhpa pano tlyma, pathôh tlyma bie ta, zawngiahna a hlao leipa ta ama thi tyh.