RYHPACHANEINA 17:17 - Mara Bible RV (BSI)

¹⁷ Lapinô hluhpi a hnei awpa châ vei. Chataleipatala a lapinôzy ta a palôh ama paviasa pathlei aw. Tâkâ nata ngôh hluhpi a hnei awpa châ hra vei.

RYHPACHANEINA 17:17 ပူးပေါင်းရင်းမြစ်များ

ÂTHAONA 2:24

Chavâta chapaw ta a nô nata paw siesaipa ta, a lapinô patu aw ta, pôhpa miakha ama vaw châ ha aw.

2 SAMUELA 12:11

Abeipa ta hetana heta a tah, ‘Pachâ teh, na pathlazy cheingei tawhta na chô liata hmo pha leipa a tao awpa padua aw na ta, na mohmô liata na lapinôzy la aw na ta, na opapa pie aw na ta, nohchhô sawhvaw ta na lapinôzy cha â ziakhei aw ei.

2 SAMUELA 5:13

Dâvi cha Hebraw a puasai tawhta, Zerusale zuahzy cha nôthozy nata lapinôzy châta hnei heih ta, sawchapawzy nata sawchanôzy sa via heih ta.

1 ABEIZY 10:21

Bei Sawlawmaw nyu zydua cha ngôh nyu sai châ ta, Lebanaw Râhmâhpa O liata hmobaoh zydua chhao ngôh suapa ta taopa sai a châ. Tâkâ ta taopa y tlâ vei. Sawlawmaw daihti liata la, tâkâ cha khâpa saw ta reih veih ei.

1 ABEIZY 10:27

Abei ta tâkâ cha alô hawhta pachâna taihta Zerusale liata pachô ta, sidy tho chhao Sephelâ liata theiku tho hawhta hluhpa ta a pachô.

1 THÂTIHZYRONA 14:3

Dâvi cha Zerusale liata lapinôzy hnei viapa ta, sawchapawzy nata sawchanôzy hnei via ta.

2 THÂTIHZYRONA 1:15

Abei ta tâkâ nata ngôh cha, alô hawhta pachâna taihta Zerusale liata pachô ta. Sidy tho chhao Sephelâ liata theiku tho hawhta hluhpa ta a pachô.

2 THÂTIHZYRONA 11:21

Rehôbaw ta Absalaw sawchanô Mâkâ cha a lapinô hropazy nata a nôtho zydua hlâta kyhpachâ chai ta. Rehôbaw cha lapinô pahrawh hleicharie nata nôtho sycharu hnei ta, sawchapaw pakih nata pacharie nata sawchanô sycharu a hnei.

NEHEMIAH 13:26

Izarei bei Sawlawmaw chhao kha, cha hawhpa chanôzy vâta a molei hapa kha châ vei ma? Phopi hluhpi hry liata ano hawhpa bei y veih ei. Ano cha Khazohpa ta kyh a pachâpa châ ta, Khazohpa ta Izarei zydua chô liata bei ta a taopa a châ. Chatanachôta ano tlai chhao kha, chihropa chanôzy ta ama pamoleisa hapa a châ.

HLAZY 62:10

Chyhsa hmo chhupa liata ngâna pahnieh leipa u la, Hraona sôh liata hnabeiseihna doleipa hnei hra khuh vy; Hneirôna a vaw pôh tita, Cha liata nama palôh soh khuh vy.

BIESOZY 31:3

Na thatlôna cha chanôzy pie leipa la, Na hroziezy chhao beizy a paraotuhpazy pie khah y.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 19:5

ama hnohta, ‘Cha vâna chata chapaw ta a nô nata paw siesai aw ta, a lapinô a patu aw, chatanachata panozy cha pôhpa miakha ama châ ha aw,’ tahpa bie kha rei beih veih ei chi ma?

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.