RYHPACHANEINA 17:16 - Mara Bible RV (BSI)

¹⁶ Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.

RYHPACHANEINA 17:16 ပူးပေါင်းရင်းမြစ်များ

2 SAMUELA 8:4

Dâvi ta arâ pheisaih 1,700 nata alei pheisaih 20,000 patu ta. Dâvi ta talailih a daophipa arâ zydua cha ama chazaw chhawh ta, talailih 100 a daophi awpa rakha pahlôh ta.

1 ABEIZY 1:5

Haki sawchapawpa Adôniza cha anosasyh ta a chaluahpa ta, “Kei he a bei awpa ei châ,” tah ta. Chatanachata talailihzy nata ano hmia lâta a râ awpa arâ pheisaihzy sypangawh pachhuahpanoh ta.

1 ABEIZY 4:26

Sawlawmaw cha a talailih a daophipa arâzy pasyna o 40,000 hnei ta, arâ pheisaih 12,000 a hnei .

1 ABEIZY 5:6

Chavâta Lebanaw sidy thozy na thlupa awpa ta biepie mah y. Nâ chakaotuhpazy chhao châ chakaotuhpazy hry liata a vaw hlao aw ei ta, châ chakaotuhpazy hlao cha na reipa hawhta ei cha pie aw. Sidaw mo hawhta tho a thlu thaipa eima hry liata y veih ei tahpa na pahno,” tah ta.

2 THÂTIHZYRONA 1:16

Sawlawmaw hneipa arâzy cha Izi nata Kue tawhta lapa châ ta, bei sôhpalietuhpazy ta a mâ piepa ta Kue liata ama za chalei tyh.

2 THÂTIHZYRONA 9:25

Sawlawmaw ta arâ nata talailih sona su 4,000 hnei ta, arâ pheisaih 12,000 hnei ta, chazy cha talailih khihpizy liata nata Zerusale liata abei hnohta a paysa ei.

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

PUASAINA 13:17

Phiraoh ta Izarei sawzy a pasiesa no kha, Philistinâ râh lâpi lâ a hnia via taraw ta, châhrasala Khazohpa ta, “Adyuhna amâ tyh tita, a ngiapachhipa ta Izi râh lâ ama kua pathlei aw na,” a tahpa vâta âmo cha, cha lâ tawhta a chhi vei.

PUASAINA 13:18

Khazohpa ta Izarei sawzy cha râhchawhpa siepahliepa ta Tilaipi Saihpa lâta tlao â chhi ei. Chatanachata Izarei sawzy cha, chariah chhaichhi a tobipa ta, Izi râh tawhta ama pua haw.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

ISAI 2:7

Ama râh cha tâkâ nata ngôh ta bie ta, Ama sôh nata thihzy chhâ tiah vei; Ama râh cha arâzy ta bie ta, Ama talailihzy chhâ tiah vei.

ZEREMIAH 42:19

Hy Zudâh laibâhpazy saih u, Abeipa ta, ‘Izi râh lâ zu khuh vy,’ a cha tah ei. Tanoh ta zikyu ei châ râpa ei he a siapa ta pahno teh u.

EZEKIA 17:15

Châhrasala Babylaw bei cha a dyuh ta, Izi râh lâ a lyuhchâpazy tuah ta, arâzy nata pheisaih hluhpi ama vaw tuapa awpa ta â haw ei. A hlao a tloh aw ma? Cha hawhpa hmo a taopa chyhsa cha, â boh thei aw ma? Biehrai a paraopa chyhsa cha â boh thei aw ma?

HÔSIA 11:5

Kei lâ ama vaw kua khoh leipa vâta, Izi râh lâ kua heih aw ei ta, Asuria cha ama bei a châ aw.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

MIKÂ 5:10

Abeipa ta hetana heta a tah: “Cha noh liata, Na arâzy nâ tawhta chhawh pathlah aw na ta, Na talailihzy ei parao aw.

RYHPACHANEINA 28:68

Nama hnohta, ‘Hmô heih khao aw veih ei chi,’ ei tahpa Izi râh lâpi liata Abeipa ta balyh ta châ chhi pakhua heih aw ei ta, cha liata nama chariahpazy seichapaw nata seichanôzy châta a zuah aw ei chi ta, ahy ta hmah cha chalei khoh aw veih ei,” tah ta.

1 SAMUELA 8:11

Ama hnohta, “Nama chô liata ryu a reih awpa bei taozie awpa cha he hawhna heta a châ aw: Nama sawchapawzy la aw ta, a talailih a haoh awpa ta zy, a arâ a kiah awpa ta zy nata a talailih hmia lâta a râ awpazy ta a rao aw ei.