RYHPACHANEINA 17:12 - Mara Bible RV (BSI)

¹² Abeipa nama Khazohpa chakaotuhpa theihthaipa nata ryureituhpa bie nathlie leipa ta, a papeisa leipa chyhsa cha thie awpa a châ. Cha hawhna chata, moleina cha Izarei tawhta nama pahleipadia aw.

RYHPACHANEINA 17:12 ပူးပေါင်းရင်းမြစ်များ

EZRÂ 10:8

Ahy rai chhituhpazy nata machâzy biepiepa hawhta, noh thôh chhôh ta a vaw tlô leipa cha, a hmohneipa zydua patu khaipa châ aw ta, ano chhao seichâna tawhta a vaw kuapazy py tawhta papuapa a châ aw tahpa bie papuapa a châ.

HLAZY 19:13

Molei raruahpazy tawhta châ chakaotuhpa he pabohsa la, Ei chô liata bie ama hnei awpa pasaih khah y! Chatanachata phapakipa châ aw na ta, Moleina rarôh ypa tawhta thaichâpa ta ei y aw.

BIESOZY 21:11

Mohnao a hmâhpa hriepa a châ nahta, Sona a phahlapa vaw so ta; Chyhsa sopa cha pachupa a châ nahta, A pahnona â baichha tyh.

HÔSIA 4:4

Chatanachôta Hy theihthaipa, “Ahy hmahta miah dyuh leipa ei sala, Ahy hmahta miah leih khah sy,” na tah. Hy theihthaipa, Keima tlai ta ei châ dyuh hih.

ZEKARIA 3:7

“Pheisaihzy Abeipa ta hetana heta a tah: Ei lâpizy a chhihpa ta, ei biepiepazy na zyh khiahta cha, ei o liata ryurei aw chi ta, ei dôhpachhôh tlyhmia liata chhao biehnei aw chi ta, he liata chakaotuhpazy hry liata su ei cha pie aw.

MALUHREINA 15:30

Moleina a châ tahpa pahno thlâh hana chôta a molei raruahpa deikua cha, a râh chyhsa a châpa chhao ta, chihropa a châpa chhao ta, Abeipa a reipachhiepa châ ta, cha chyhsa cha a phopi tawhta chhawh pathlahpa a châ aw.

MALUHREINA 15:31

Abeipa bie khâpasaw ta reih leipa ta, a biepiepa a paraopa vâta, cha chyhsa cha chhawh pathlahpa châ aw ta, a paraona maoh a phaoh aw,” tah ta.

MATHAI 10:14

Ahy rai châ ly leipa tlyma, nama biezy a nathlie leipa tlyma cha, cha o tawhta tlyma, cha khih tawhta tlyma nama pua tita, nama phei liata buchadoh chatho thlu teh u.

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

ZAWHÂNA 12:48

Ahy rai nâ khoh leipa nata ei bie a zyh leipa cha, pachiatuhpa pakha a hnei. Ei bie reipa, kha bie tlai khata, noh chhâna noh liata ano cha a pachia aw.

ZAWHÂNA 20:23

Chyhsa moleina namâ ngiahthaipa maih, a ngiahthaipa châ aw ei ta, chyhsa moleina namâ ngiahthai leipa maih, a ngiahthai leipa ama châ aw,” tah ta.

1 KAWRINI 5:13

Khôtho lâta chyhsazy cha Khazohpa ta a pachia aw. Chyhsa moleipa cha nama hry tawhta papua ha muh vy.

RYHPACHANEINA 1:43

Cha chho ei na ta, châhrasala nathlie khoh veih ei chi. Abeipa biepiepa chakhia ei chi ta, tlâh râh lâ nama khy raruah.

RYHPACHANEINA 10:8

Cha daihti liata Abeipa ta Livai chizy cha Abeipa Biehrai Byh a sy awpa nata Abeipa hmiakô liata a duah ta ano chakao awpa nata a moh ta byhnâ a awtuhpa châ awpa ta panano ta, tanoh taihta cha hawhta ama hria lymâ.

RYHPACHANEINA 13:11

Chatanachata Izarei saw zydua ta thei aw ei ta, chi aw ei ta, nama hry liata cha hawhpa moleina chichhihpa cha tao khao aw veih ei.

RYHPACHANEINA 13:5

Cha hawhpa hrohsopa tlyma, mâ sapa ta chhochhieliena bie a reihpa tlyma deikua cha, Izi râh tawhta châ kaw chhi papuatuhpa, sei châna o tawhta châ chatlaituhpa Abeipa nama Khazohpa adyuhna bie reih ta, Abeipa nama Khazohpa ta a chhih awpa ta bie a cha piepa ei lâpi tawhta patleisa a châ chhuahpa vâ ei ta, thie awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

RYHPACHANEINA 17:13

Chatanachata chyhsa zydua ta thei aw ei ta, chi aw ei ta, papeisa leipa ta y khao aw veih ei.

RYHPACHANEINA 17:7

Pahnokheituhpazy ta thie awpa chô liata ama ku pathla tua chai aw ei ta, cha khai tawhta zawpi ta ku ama pathla aw. Cha hawhna chata hmo pha leipa cha nama hry tawhta nama pahlei awpa a châ.

RYHPACHANEINA 18:20

Bie rei awpa ei pie leipa tlai ta, ei moh ta bie a reihpa nata khazoh hropazy moh ta bie a reihpa hrohsopa cha a thi awpa a châ,’ tah ta.

RYHPACHANEINA 18:5

Ano nata a sawchapawzy cha, Abeipa nama Khazohpa ta a moh ta a duah ta, chhâzaw ta chakao awpa ta nama chi zydua hry tawhta â tlypa ama châ.

RYHPACHANEINA 18:7

Abeipa hmiakô liata a duah tyhpa Livai chi a unawhzy hawhta, Abeipa a Khazohpa moh ta cha liata a chakao hra aw.

1 THYSALAWNIKA 4:2

Abeipa Zisu biehneina hmâpa ta biepiepa eima cha piepazy kha nama pahno.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

1 TIMAWTHY 5:20

Moleina taotuhpazy cha, zawpi hmiakô liata chhorei la, chatanachata mohropazy chhao ta ama chi aw.

ZAWSUA 1:18

Kheihawhpa biepiepa rai châ sala, ahy rai na biepiepa a dyuhpa nata na biezy a nathlie leipa cha thiepa a châ aw. Thatlôpa nata riahphapa ta y mah y,” tah ei ta.

RYUREITUHPAZY 20:13

Chavâta tahmâ Kibia liata moleipa chyhsazy cha miah vaw hlâ teh u, chatanachata âmo cha thie aw pi ta, moleina cha Izarei tawhta eima papai aw,” tah ei ta. Châhrasala Benzami mo ta ama unawhpa Izarei sawzy biereipa cha nathlie khoh leipa ei ta.

1 SAMUELA 3:13

A sawchapawzy ta reipachhie tlâhpa ta âmosasyh ta â tao ei ta, cha cha a pahno thlâh hana chôta a pakhâ leipa vâta, a pathlazy cha chhâzaw ta ei hrie aw ei tahpa chho ha na ta.