RYHPACHANEINA 16:3 - Mara Bible RV (BSI)

³ Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.

RYHPACHANEINA 16:3 ပူးပေါင်းရင်းမြစ်များ

1 ABEIZY 22:27

ama hnohta, ‘Abei ta hetana heta a tah: “Thlalôhpa ta ei vaw kua heih hlâlei cha, he chyhsa he patâhna o liata khô u la, viahchhâ chyhta nata ti chyhta dei nama pie aw,” a tah,’ tahpa ta nama chho aw,” tah ta.

HLAZY 102:9

Viahchhâ hawhta buchâh nie na ta, Ei dopa liata mothlih ei pahlao tyh.

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 127:2

Mydi ta thyupa ta a pahâ hawh ei chi ta, Hriapasa palôh rietheipa ta pati nama nie tyhpa he, Hraoleipa a châ. Abeipa ta a kyhpachâpazy cha, Mokuh pahâpa ta a pamôsa tyh ei.

PUASAINA 12:11

Hetana heta nama nie aw: Nama chaisaih pa-ipa ta, pheiky a ky aw ei chi ta, chôchahrei a chhyna chôta, a para ngaitapa ta nama nie aw. Cha cha Abeipa zawpakhô a châ.

PUASAINA 12:17

Cha noh lia tlai ta nama zawpizy Izi râh tawhta ei kaw chhi papuapa vâ ei ta, viahchhâ thinô pahlao leipa kyhchhi nama chay tyh awpa a châ. Cha noh cha nama chhâ zydua liata nama chay tyh awpa châ ta, cha cha nama châta chhâzaw bieraopa ta a y awpa a châ.

PUASAINA 12:39

Izi râh tawhta ama puakheipa viahdie nyhpa hmâpa ta, viahchhâ thinô pahlao leipazy cha tao ei ta. Izi râh tawhta tophipa châ ei ta, ama hâ hmâ lei awpa vâta, thinô pahlao leipa viahchhâ dei leipa ta cha, lâpi liata ama nie awpa a tao hmâ veih ei.

PUASAINA 12:8

A sa cha, cha zâ ta mei liata rao aw ei ta, viahchhâ thinô pahlao leipa nata âhna khapa a hmiepa ta ama nie aw.

PUASAINA 34:18

“Viahchhâ thinô pahlao leipa kyhchhi na chay awpa a châ. Bie ei cha piepa hawhna khata, Abi thla daihti raopa liata noh sari chhôh viahchhâ thinô pahlao leipa na nie awpa a châ, Abi thla liata Izi râh tawhta na kaw puapa vâta.

ISAI 52:12

Abeipa ta hmia châ sahpa aw ei ta, Izarei Khazohpa ta nama hnôh lâ a cha vaih awpa vâ ei ta, A para kawpa ta pua awpa byuh leipa ta, A râ awpa byuh aw vei.

THEIHTHAINA 23:6

Cha thla pyly liata, noh hrawh hleipangawhna noh cha Abeipa châta viahchhâ thinô pahlao leipa kyhchhi châ ta, noh sari chhôh viahchhâ thinô pahlao leipa nama nie awpa a châ.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MALUHREINA 28:17

Cha thla, noh hrawh hleipangawhna noh cha kyhchhi noh châ ta, noh sari chhôh viahchhâ thinô pahlao leipa nie awpa a châ.

MALUHREINA 9:11

Thla nona, noh hrawh hleipalihna noh zâlâ nohtla daihti liata chay aw ei ta, viahchhâ thinô pahlao leipa nata âhnalasi khapazy chhaota ama nie awpa a châ.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

RYHPACHANEINA 16:2

Abeipa ta a moh y nawpa su â tlyh awpa liata Abeipa nama Khazohpa lâta nama mietaku zaw hry tawhta nata viahchao hri hry tawhta zawpakhô atheihna châta nama hlâ aw.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

1 THYSALAWNIKA 1:6

Rietheina hluhpi taona chôta, Thlahpa Pathaihpa liata a lypa ta bie a pyh ei chi ta, keimo nata Abeipa hâ a latuhpazy nama vaw châ haw.

ZAWSUA 4:7

ama hnohta, ‘Abeipa Biehrai Byh hmiakô liata Zawdâh tizy a chie pachhôpa atheithlâhna a châ. Abeipa Biehrai Byh ta Zawdâh a chaka nota, Zawdâh tizy a chie pachhô haw. Chavâta he alôzy he Izarei sawzy ta, cha thâtih cha chhâzaw ta amâ thei thlâh nawpa châta a châ,’ tahpa ta nama chho aw,” tah ta.