RYHPACHANEINA 16:22 - Mara Bible RV (BSI)

²² Abeipa nama Khazohpa ta â haopa alô chhao nama bô awpa châ vei.

RYHPACHANEINA 16:22 ပူးပေါင်းရင်းမြစ်များ

THEIHTHAINA 26:1

“Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

PUASAINA 20:4

“Na châta nothlahpa khazoh na tao awpa châ vei. Chô lâ avâ liatapa a lyupa tlyma, ry lâ alei liatapa a lyupa tlyma, alei ry lâta ti liatapa a lyupa tlyma, kheihawhpa nothlahpa khazoh hmah na châta na tao awpa châ vei.

BIEPHUAH 2:15

Nâ chhao Nikôla py pachuna a pyhtuhpazy na ylâh hra.

BIEPHUAH 2:6

Nikôla py hmotaopazy nâ haopa kyh liata deikua cha, na tao pha kaw. Cha cha kei chhao ta ei hao hra.

ZEKARIA 8:17

Nama vaih chhie nawpa kyh nama palôh ta patuapalua leipa u la, haipa ta bie a taihpa hmâh khah u. He zydua he ei hao,” Abeipa ta a tah.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

PUASAINA 34:13

Ama maisâhzy pacho aw ei chi ta, ama lôbôzy pakei khaipa ta, ama Aseri tôhzy nama chhawh pachhô khai awpa a châ.

RYHPACHANEINA 4:16

Chavâta namâ chhy awpa nothlahpa taopa ta nama molei tlamaw lei nawpa ta a vaih teh u. Kheihawhpa nothlahpa rai, chapaw a lyupa tlyma, chanô a lyupa tlyma,

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 4:25

“Saw nata samohzy hneipa ta, cha râh liata bohpi nama y tawhta, moleina hmo taopa ta, nothlahpa kheihawhpa rai taopa ta, Abeipa nama Khazohpa mohmô ta hmo paraopa ta, a hie nama pahâh khiahta cha,

2 ABEIZY 17:10

Tlâh sâhpa to liata nata tho hrohpa to ry liata lôbôzy bôpa ta Aseri tôhzy padua ei ta.