RYHPACHANEINA 16:2 - Mara Bible RV (BSI)

² Abeipa ta a moh y nawpa su â tlyh awpa liata Abeipa nama Khazohpa lâta nama mietaku zaw hry tawhta nata viahchao hri hry tawhta zawpakhô atheihna châta nama hlâ aw.

RYHPACHANEINA 16:2 ပူးပေါင်းရင်းမြစ်များ

2 ABEIZY 23:21

Chatawhcha abei ta chyhsa zydua biepie ta, “He Biehrai Châbu liata ropa hawhna heta, Abeipa nama Khazohpa lâta Zawpakhô Kyhchhi tao teh u,” tah ta.

2 THÂTIHZYRONA 35:7

Cha liata a ypa vâtlâh chyhsa zydua châta Zawpakhô atheihna hlâ nawpa ta, Zôsia ta mietaku zaw tawhta mietakutaw nata mietaw 30,000 nata viahchao tôhpa 3,000 thyu ta. Chazy cha abei ta a sahrohzy tawhta a thyupa a châ.

MALUHREINA 9:2

“Izarei sawzy ta daihti raopa liata zawpakhô kyhchhi ama hnei tyh awpa a châ.

MATHAI 26:17

Viahchhâ thinô pahlao leipa noh, noh hmiatua chaipa liata, pachupazy cha Zisu lâ a vy ei ta, a hnohta, “Zawpakhô pati nie nawpa ta khataih liata châ chhuanohpa sih la na khoh?” tah ei ta.

MATHAI 26:2

“Noh no khai tawhta zawpakhô kyhchhi a vaw y awpa nama pahno. Chyhsa Sawchapawpa he khaipâ awpa ta patusapa a châ aw,” tah ta.

MÂKA 14:12

Thinô pahlao leipa Viahchhâ kyhchhi noh, noh hmiatua chaipa, zawpakhô mietakutaw ama thie tyhna noh liata, a pachupazy ta a hnohta, “Khataih liata ma Zawpakhô pati na nie nawpa châ chhuahdy paw sih la na khoh?” tah ei ta.

LUKA 22:15

Ama hnohta, “Riethei ei tao hlâta, he zawpakhô pati he cha dôhlâh awpa ei, ei khoh ngaita.

LUKA 22:8

Zisu ta Pity nata Zawhâna cha, “Zawpakhô kyhchhi eima nie awpa a kei chhuanoh teh u,” tahpa ta tuah ta.

1 KAWRINI 5:7

Thinô pahlao leipa nama châpa hawhta, viahdie thiehpa nama châ thei nawpa ta, thinô parohpa cha pathai ha muh vy, Krista, Zawpakhô mietakutaw cha, keimo atheihna châta hlâpa châ tlôh ta.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:14

Nama raopa hlânazy cha, nama chizy hry tawhta Abeipa ta â tlyh awpa chi pahrâna su liata hlâ tyh aw ei chi ta, cha liata nama hnohta ei biepiepa zydua nama tao tyh aw.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:26

Nama hlâ awpa hmo pathaihpazy nata pie awpa ta bie namâ taihpazy deikua cha cheih aw chi ta, Abeipa ta su a rao awpa lâ nama sie aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 15:20

Sahroh chapawpa a pataw tuapazy cha, nâmo nata nama chhôhkhazy ta Abeipa ta su â tlyh awpa liata, Abeipa nama Khazohpa hmiakô liata kô chareih nama nie tyh awpa a châ.

RYHPACHANEINA 16:1

“Abeipa nama Khazohpa ta Abi thla liata Izi râh tawhta zâ ta a châ kaw chhi papuapa vâ ei ta, Abi thla cha chay aw chi ta, Abeipa nama Khazohpa châta zawpakhô kyhchhi nama tao aw.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.