RYHPACHANEINA 16:16 - Mara Bible RV (BSI)

¹⁶ “Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.

RYHPACHANEINA 16:16 ပူးပေါင်းရင်းမြစ်များ

1 ABEIZY 9:25

Sawlawmaw ta Abeipa châta maisâh a taopa liata kô kha ta ei thôh raopa hlâna nata aryhna hlâna hlâ tyh ta. Abeipa hmiakô liata maisâh liana chata ropahâhpazy chhao rao tyh ta. Chatanachata Achhyna o cha a paloh haw.

2 THÂTIHZYRONA 8:13

Cha raopa hlânazy cha Mawsi biepiepa hawhta noh chareih ta â ngiahna lymâ hawh ta hlâ tyhpa a châ. Pahânoh nata thla thieh nohzy liata hlâ tyhpa châ ta, kô chareih ta taopa kyhchhi miathôhpa, viahchhâ thinô pahlao leipa kyhchhi, Hâta Kyhchhi nata Byureih Kyhchhi lia zy ta hlâ tyhpa a châ.

EZRÂ 3:1

Thla sarina vaw tlô ta, Izarei sawzy ama khih chyu liata ama pahrâ khai nahta, zawpizy reihkha tlapa ta Zerusale liata a hmaohpakhy ei ta.

NEHEMIAH 8:15

Byureih kyhchhi kyh Ryhpa liata, “Tlâhzy lâ sie u la, Ryhpa liata ropa hawhta, byureihzy sa nawpa ta ôli chiahzy, lyurâhpa ôli chiahzy, tho hroh kôzawpa chiahzy, thiahrâ kuahzy nata tho buh rôhpa chiahzy vaw cheih muh vy,” tahpa ta ama khih zydua nata Zerusale liata phuahpa ta ama pathâhsa awpa a châzie ropa hmô hra ei ta.

HLAZY 122:4

Izarei châta biepiepa raopa hawhta, Abeipa moh reithai awpa ta, Cha khihpi lâ cha Izarei chizy ta khy tyh ei ta, Abeipa chizy ta ama khy tyh.

HLAZY 84:7

Sie ei ta ama thatlô via rili ta, Zaio liata Khazohpa hnohta amâ luah hlâlei ama sie lymâ.

HLAZY 84:8

Hy Zehôvâh Khazohpa Atotaotheipa, Ei thlahchhâna he thei la; Hy Zakaw Khazohpa y, Nah vaw pachôh mah y! Selah

HLAZY 96:8

Abeipa cha a moh rônahna patosa u la, Hmohlâpa cheipa ta a dôhpachhôh tlyhmia lâ a vy teh u!

PUASAINA 34:20

Alâ a pataw tuapa cha mietakutaw ta na chatlai aw. Na chatlai khoh vei khiahta cha, a rao na thlie pachhô awpa a châ. Na sawchapaw uhtheipa zydua cha na chatlai awpa a châ. Ei hmiakô liata ahy hmahta ku ruapa ta namâ vy awpa châ vei.

PUASAINA 34:24

Phopizy na hmiakô tawhta papua aw na ta, na râhrizy ei pakawh awpa vâta, kô kha ta ei thôh Abeipa na Khazohpa hmiakô liata a lâ awpa ta nâ khy chhôh ta, na râh cha ahy hmahta uahva thei aw veih ei.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

ISAI 33:20

Zaio cha moh tua u, Kyh eima chhi nawpa khihpi cha! Na mozy ta Zerusale khihpi cha a hmô aw. Cha khihpi cha nôpona y leina khihpi châ aw ta, Pasie thei leipa poh o a châ aw. A tôhzy phiapa châ beih leipa aw ta, Paraina ri kheihawhpa hmahta chhiepa châ aw vei.

EZEKIA 36:38

Atheihna awpa sahroh zaw hawhta, kyhchhi nohzy liata Zerusale liata sahroh zaw hawh tlai ta, khihpi rypazy cha chyhsa zawzy ta ama bie aw. Chatanachata Abeipa ei châ tahpa ama pahno aw.”

THEIHTHAINA 23:34

“Izarei sawzy chho la, ama hnohta hetana heta reih teh: He thla sarina, noh hrawh hleipangawhna noh he, Abeipa lâta noh sari chhôh Byureih Kyhchhi hmâna nohzy a châ.

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

MÂKA 12:3

Chakaotuhpa cha vaw patu ei ta, chhei ei ta, ku ruapa ta pasiesa ei ta.

ZAWHÂNA 7:2

Zuzy Byureih Kyhchhi cha a hnia ha ta.

RYHPACHANEINA 16:15

Abeipa ta â tlyhpa su liata Abeipa nama Khazohpa châta noh sari chhôh kyhchhi nama chay awpa a châ. Chatanachata Abeipa nama Khazohpa ta nama kôvei nata nama ku raihria zydua liata byhnâ cha pie aw ei ta, namâ lyna â ki aw.

RYHPACHANEINA 16:17

Chyhsa to Abeipa nama Khazohpa ta byhnâ a cha patosapa lymâ hawh ei ta nama pie awpa a châ.

RYHPACHANEINA 31:11

Izarei saw zydua Abeipa nama Khazohpa ta su â tlyh awpa liata a hmiakô liata amâ vaw luah tita, he ryhpa he Izarei saw zydua theipa ta nama reih awpa a châ.

1 SAMUELA 1:3

Cha chyhsa cha Pheisaihzy Abeipa a chhy awpa nata atheihna hlâ awpa ta ano khih tawhta Silô khih lâ kô chareih ta sie tyh ta. Eli sawchapawpa pano Hôphani nata Phinehâ zy cha Silô khih liata Abeipa theihthaipazy châ ei ta.

1 SAMUELA 6:3

Âmo ta, “Izarei Khazohpa Byh he nama pasiesa awpa khiahta cha, ku ruapa ta pasiesa cheita khuh vy, thaileichâna atheihna nama hlâ palie thlyu awpa a châ. Chatanachata patlâhpa ta y aw ei chi ta, nâmo tawhta a ku â pasie leina chhâpa nama pahno aw,” tah ei ta.