RYHPACHANEINA 16:14 - Mara Bible RV (BSI)

¹⁴ Cha kyhchhi cha, nama sawchapawzy, nama sawchanôzy, nama seichapawzy, nama seichanôzy, Livai chi nama khih liata a ypazy, chihropazy, paw hnei leipazy nata nôhmeizy chhaota thaphapa ta nama hmâh tyh aw.

RYHPACHANEINA 16:14 ပူးပေါင်းရင်းမြစ်များ

ESTHERI 9:22

Cha nohzy cha Zuzy ta ama chariahzy tawhta amâ bohna noh, pachârôhna alyna lâta â liena noh nata mâchhiesana noh phapa lâta â liena noh ta ama chay tyh awpa a châ. Kyhchhina nata thaphana nohzy ta hmâh aw ei ta, niedo kuhriazy a paphao raihriena nohzy ta hmâh hra aw ei ta, dyhchhiepazy hmosaipa piena noh ta ama hmâh awpa a châ.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ZÔELA 1:16

Eima mohmô lia tlai ta, Niepa pachhâsapa châ ta; Eima Khazohpa o liata Alyna nata thaphana chhâ ha vei ma?

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 16:15

Abeipa ta â tlyhpa su liata Abeipa nama Khazohpa châta noh sari chhôh kyhchhi nama chay awpa a châ. Chatanachata Abeipa nama Khazohpa ta nama kôvei nata nama ku raihria zydua liata byhnâ cha pie aw ei ta, namâ lyna â ki aw.

RYHPACHANEINA 26:11

Chatanachata Abeipa nama Khazohpa ta nâmo nata nama pathlazy hnohta hmo phapa a cha piepa ei liata, Livai chi nata nama hry liata chihropa a ypazy chhaota thaphapa ta nama y aw.

1 THYSALAWNIKA 5:16

Khâ a ly u la,