RYHPACHANEINA 15:11 - Mara Bible RV (BSI)

¹¹ Khatino rai ta dyhchhiepazy nama râh liata ama y aw. Chavâta, “Nama râh liata dyhchhiepa nata phahlapa nama unawhzy lâta nama ku pazawh muh vy,” tahpa ta bie ei cha pie ei.

RYHPACHANEINA 15:11 ပူးပေါင်းရင်းမြစ်များ

PUASAINA 23:11

A kô sarina kô liata deikua cha, lyu cha pahâsa aw chi ta, pachihpa ta na paysa aw. Chatanachata na chiheihzy hry liata dyhchhiepazy ta nie aw ei ta, ama la bâhpazy cha lyurâhpa sazy ta ama nie aw. Cha hawhna chata na kre sadô nata na ôli sadô chhao na tao aw.

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

BIESOZY 22:2

Hneirôhpazy nata sipasapazy a tyh ei ta, Ama zydua a taotuhpa cha Abeipa a châ.

BIESOZY 31:20

Dyhchhiepazy lâta a ku pazawh ta, Phahlapazy lâta a ku a paza tyh.

EZEKIA 18:7

ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

MATHAI 26:11

Dyhchhiepazy cha nama hnohta khâ ama y thlâh ha aw. Kei deikua cha nama hnohta khâ a y awpa châ va na.

MATHAI 5:42

Châ hiahpa maih pie la, dyu châ cheipa thlyu khah y.

MÂKA 14:7

Dyhchhiepazy cha nama hnohta khâ a ypa châ ei ta, nama khona maihta ama châta hmo pha nama tao thei. Kei deikua cha, nama hnohta khâ a y awpa châ va na.

LUKA 12:33

Nama hneipazy zuah u la, phahlapazy pie teh u. Parutuhpa ta a paru thei leina nata chhoma-u ta a parao thei leina vârâh liata tâkâ byh a chy beih leipa nata ryu a chhâ beih leipazy a pachô teh u.

ZAWHÂNA 12:8

Dyhchhiepazy cha nama hry liata ama y ngâ thlâh ha aw, kei deikua la nama hnohta y ngâ thlâh ha aw va na,” tah ta.

HMOTAOPAZY 2:45

Ama ryuzy, ama sôhzy zuah ei ta, amâ ngiahpa chyu hawhta ama zydua ta a rai tyh ei ta.

RYHPACHANEINA 15:7

“Abeipa nama Khazohpa ta râh a cha piepa ei khih miakha liata nama unawhzy hry liata dyhchhiepa ama y khiahta cha, nama unawh dyhchhiepazy chô liata lôhkhô namâ hli awpa châ leipa ta, nama ku nama pako awpa châ vei.

RYHPACHANEINA 15:8

Âmo lâta nama ku pazawh aw ei chi ta, amâ phahlana pavao nawpa ta, amâ ngiahpa zie ta dyu namâ pacheisa awpa a châ.