RYHPACHANEINA 15:10 - Mara Bible RV (BSI)

¹⁰ Riapha kawpa ta nama pie awpa châ ta, nama pie tita a ngiapachhina palôh nama hnei awpa châ vei. Cha hawhta nama tao khiahta cha, Abeipa nama Khazohpa ta nama hmotaopa zydua nata nama raihria zydua liata byhnâ a cha pie aw ei.

RYHPACHANEINA 15:10 ပူးပေါင်းရင်းမြစ်များ

BIESOZY 22:9

Chyhsa riaphapa cha sipasapazy niedo â chhaih tyhpa vâ ei ta, Vânoh a to aw.

BIECHHOTUHPA 11:1

Ti chô liata na viahchhâ thy la, Noh hluhpi tawhta na hmô heih aw.

ISAI 32:8

Zachhihpa deikua cha, Zachhihpa hmozy pachhuahpanoh ta, Zachhihpa hmozy liata â duah tyh.

ISAI 58:10

Nodipazy châta na hrona hmâh la, Pasataopazy a ngiahpa pie mah y. Cha hawhta na tao khiahta cha, Na khaihna cha zohna liata khaih aw ta, Na zoh kaluhna chhao, Nohchhô hawhta a châ aw.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

RAWMA 12:8

pasyutuhpa ta pasyuna bie reih sala, hmopietuhpa ta riapha ngaitapa ta pie sala, ryureituhpa ta tiamapa ta ryureih sala, ngiachhiena rai hriatuhpa ta a ly ngaitapa ta hria mawh sy.

RYHPACHANEINA 14:19

Mathlaw hnei ta, a pô ta a ypa lôvâpa zydua nama châta sa pathaih leipa châ ta, nie awpa châ vei.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

RYHPACHANEINA 15:18

Nama unawhpa Hebrai seizy cha ahlaohpa hriapa lie no ta hria ei ta, kô charu ama cha chakao hapa vâta, khotalaina pie ta papua awpa cha, nama châta hmo ru tupa ta nama pachâ awpa châ vei. Abeipa nama Khazohpa ta nama hmotaopa zydua liata byhnâ a cha pie aw ei.

RYHPACHANEINA 15:4

Abeipa nama Khazohpa ta ryuto châta hnei awpa ta râh a cha piepa ei liata byhnâ cha pie aw ei ta, dyhchhiepa nama hry liata y aw veih ei.

RYHPACHANEINA 23:20

Chihropazy cha apôhna hneipa ta dyu nama pacheisa thei. Nama chiheihpazy deikua cha apôhna hneipa ta dyu nama pacheisa awpa châ vei. Chatanachata hnei awpa ta nama pangaipa râh liata nama raihria zydua liata Abeipa nama Khazohpa ta byhnâ a cha pie aw ei.

RYHPACHANEINA 24:19

“Nama lyu liata sâh nama hria nota, lyu liata sapiah nama my khiahta cha, la awpa ta nama kuahnao awpa châ vei. Mapaihpazy, paw hnei leipazy nata nôhmeizy châta nama siesai awpa a châ. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

RYHPACHANEINA 28:8

“Abeipa ta nama sawvâzy chô liata byhnâ patlôsa aw ta, nama ku raihria zydua byhnâ a pie aw. Abeipa nama Khazohpa ta râh a cha piepa ei liata byhnâ a cha pie aw ei.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.