RYHPACHANEINA 14:1 - Mara Bible RV (BSI)

¹ “Abeipa nama Khazohpa sawzy nama châ. Athihpa châta sasyh namâ â awpa châ leipa ta, nama khipâh sâ ngyupa ta nama patlyh awpa châ vei.

RYHPACHANEINA 14:1 ပူးပေါင်းရင်းမြစ်များ

ÂTHAONA 6:2

Khazohpa sawchapawzy ta chyhsapa sawchanôzy cha chhithai tah kaw ei ta, ama khopa chyu lapinô ta hnei ei ta.

ÂTHAONA 6:4

Cha nohzy liata nata cha hnôhlâ chhao ta, alei chô liana heta mopahreihpa sahlao y ei ta. Cha chyhsazy cha Khazohpa sawchapawzy ta chyhsa sawchanôzy hnei ei ta ama pathlazy ama châ. Âmo he hlâno ta chyhsa thatlôpa nata mohpathâhpazy kha ama châ.

1 ABEIZY 18:28

Ao paro ngaitapa ta awh ei ta, ama taozietyhpa hawhta, zaozi nata asei ta thi lo ngâna taihta a âpa ta a dy ei ta.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.

ZEREMIAH 47:5

Kâza luh pôlô ha ta, Askelaw a leidia haw. Hy bypi liata laibâhpazy saih u, Khati taih ma nâmosasyh ta hmah namâ paphao chy aw tly?

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

THEIHTHAINA 21:5

Theihthaipazy cha luh pôlôpa ta ama sâ amâ ngyu awpa châ leipa ta, ama kâhhmi kâ lâ ama tai awpa châ hra leipa ta, ama pôhpa ama â awpa châ vei.

ZAWHÂNA 1:12

Châhrasala ano a pyhpa nata ano a ngiapâpa zydua cha, Khazohpa sawzy châ theina biehneina a pie ei.

ZAWHÂNA 11:52

Izarei phopi châta dei châ leipa ta, Khazohpa saw râh to liata hiepatlapazy hlao kha ta syhpahmaoh nawpa a châ hra.

RAWMA 8:16

Cha Thlahpa tlai chata keimo thlahpa nata a kaopa ta, Khazohpa sawzy eima châ tahpa miah a pahnokhei.

RAWMA 9:26

“‘Ei phopi châ veih ei chi,’ a tahna su liata, ‘Khazohpa hroh sawzy,’ bipa ama châ aw.”

RAWMA 9:4

Izarei chyhsa châ ei ta, saw châna, rônahna, biehrai, ryhpa piena, achhyna nata bietai zy âmo eih a châ.

RAWMA 9:8

Cha yzie cha, sapa sawzy cha Khazohpa sawzy châ leipa ei ta, bietai sawzy cha Abarahâ pathla ta raopa tlao ama châ.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

RYHPACHANEINA 13:18

Cha hawhta a châ thei nawpa ta, Abeipa nama Khazohpa ao nathlie aw ei chi ta, a mohmô liata hmo dopa taopa ta, tanoh ta ei cha piepa ei Abeipa nama Khazohpa biepiepa zydua he nama zyh khai awpa a châ.

RYHPACHANEINA 32:6

Hy nâmo, ahrupa nata angâpa phopi, Cha hawhta ma Abeipa cha viari nama thô? Ano cha châ taotuhpa nama paw châ ta, Cha tao ei ta nâmo châ paduatuhpa châ vei ma?

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 5:2

Khazohpa kyhpachâ pi ta, a biepiepazy eima zyhpa liana heta, Khazohpa sawzy kyh eima pachâ tahpa eima pahno.