RYHPACHANEINA 13:6 - Mara Bible RV (BSI)

⁶ “Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

RYHPACHANEINA 13:6 ပူးပေါင်းရင်းမြစ်များ

ÂTHAONA 16:5

Sârai ta Abarâ hnohta, “Ei chô liata hmo doleipa a tlôpa he nâma chô liata y mawh sy. Ei seichanô he nâ pyh awpa ta cha pie na ta, saw a phaoh tahpa â pahnopa nahta, eina mohnao haw. Abeipa ta nâma nata keima likah pachia mawh sy!” tah ta.

2 SAMUELA 1:26

Ei unawhpa Zawnathâ y, Ei cha taokheizie rimâ cha! Ei chô liata pha ngaita chi ta, Kyh eina pachâna chi kha noâh a chhih ta, Chanô kyhpachâna hlâta â sâh via.

1 ABEIZY 18:40

Elaizâh ta ama hnohta, “Bâlâ hrohsopazy kha patu teh u. Pakha hmah papuasa khah u,” tah ta. Bâlâ hrohsopazy cha patu ei ta, Elaizâh ta âmo cha Kisaw chavah lâ a chhi ta, cha liata a thie khai ha ei.

2 ABEIZY 11:18

Chatawhcha râh chyhsa zydua cha Bâlâ achhyna o lâ vawh ei ta, achhyna o cha parao ei ta, Bâlâ maisâhzy nata a nothlahpazy pakeichheih ei ta. Bâlâ theihthaipa Mâtâ cha maisâhzy thaby liata thie ei ta. Abeipa o vaih awpa ta, theihthaipa ta vaituhpazy soh ta.

2 THÂTIHZYRONA 15:13

Ahy rai Abeipa, Izarei Khazohpa a tlua leipa cha, hawti machâ, chanô chapaw, thie awpa ta biehrai ama tao.

2 THÂTIHZYRONA 23:17

Chatawhcha zawpi zydua cha Bâlâ achhyna o lâ vawh ei ta, achhyna o cha parao ei ta, Bâlâ maisâhzy nata a nothlahpazy pakeichheih ei ta, Bâlâ theihthaipa Mâtâ cha maisâh thaby liata thie ei ta.

ZAWBÂ 31:27

Ei palôh arulâta reipasaopa ta ypa ta, Ei hmao ta ei ku a vaw pahnâ ha khiahta cha;

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 32:27

Mawsi ta ama hnohta, “Zehôvâh, Izarei Khazohpa ta hetana heta a tah: ‘Chyhsa to nama zaozi phia u la, riehmo chhikao to liata a ngia u la, nama unawhzy, nama ylâhpazy, nama vaihzy thie teh u,’” tah ta.

BIESOZY 18:24

Viasa hluhpi hneipa cha raona châ thei ta, Châhrasala unawh hlâta â i viapa viasa a y.

BIESOZY 5:20

Ei sawchapawpa y, khazia chanô ngâchhih leipa iahzaipa ta y aw chi ta, Apheinô hnôbia cha nâ pyhpahly aw?

ZEREMIAH 28:15

Chatawhcha hrohsopa Zeremiah ta hrohsopa Hânaniah hnohta, “Hânaniah, nathlie teh, Abeipa ta cha tuah vei, he phopi he haipa bie na pazosa hih.

ZEREMIAH 28:16

Chavâta Abeipa ta hetana heta a tah: ‘Pachâ teh, alei cho tawhta ei cha thy aw. Abeipa chakhiana bie na reipa vâta, atakô lia tlai ta na thi aw,’” tah ta.

ZEREMIAH 44:3

Âmo chhao, nâmo chhao, châ pathlatuhpazy chhao ta nama pahno beih leipa khazohzy lâta ropahâhpazy rao ei ta, ama chakaopa vâta, chhiena cha ama chô liata ei patlôsapa a châ.

ZEKARIA 13:3

Cha khai tawhta chhochhieliena bie a reihpa ama y thlah ha chy khiahta cha, a nô nata a paw, ano a satuhpazy cheingei ta a hnohta, ‘Hroh khao aw va chi, Abeipa moh ta haipa bie na reipa vâta,’ tah aw ei ta, chhochhieliena bie a rei hai no tlai ta ano a satuhpa a nô nata a paw cheingei ta amâ chôsao aw.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

RYHPACHANEINA 11:32

tanoh ta nama hmiakô liata ei sopa bieraopa nata pachiana zydua he pakhâta ta nama zyh khai awpa a châ.

RYHPACHANEINA 13:2

ngiana nata hmonoâhpa ama cha chhopazy cha vaw tlô sala, nama hnohta, “Khazoh hropazy pazi sih la, âmo cha chakao ei suh u,” tahpa ta nama pahno beih leipa khazohzy pazi awpa ta ama cha chho khiahta cha,

RYHPACHANEINA 13:7

lâhnia liata a ypa nama chheipâh phopizy khazoh rai châ sala, lâhla liata a ypa khazoh rai châ sala, alei chhâna hiakha lâ tawhta hiakha lâ taihta a ypa khazoh a châpa chhao ta,

RYHPACHANEINA 17:12

Abeipa nama Khazohpa chakaotuhpa theihthaipa nata ryureituhpa bie nathlie leipa ta, a papeisa leipa chyhsa cha thie awpa a châ. Cha hawhna chata, moleina cha Izarei tawhta nama pahleipadia aw.

RYHPACHANEINA 18:20

Bie rei awpa ei pie leipa tlai ta, ei moh ta bie a reihpa nata khazoh hropazy moh ta bie a reihpa hrohsopa cha a thi awpa a châ,’ tah ta.

RYHPACHANEINA 19:19

a unawhpa chô liata tao â chhuahpa hawhta, ano chô liata nama tao awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 21:21

Cha khai tawhta khihsaw zydua ta alô ta vawhsao aw ei ta, cha hawhna chata hmo pha leipa cha nama hry tawhta nama pahlei awpa a châ. Cha thâtih cha Izarei zydua ta thei aw ei ta, ama chi aw.

RYHPACHANEINA 22:21

a paw o liata sihryhpa ta y ta, Izarei liata hmo molei ngaitapa a taopa vâta, chanô cha a paw o chhikao lâ a chhi aw ei ta, a yna khihpi liata chyhsazy ta alô ta ama vawhsao awpa a châ. Cha hawhna chata nama hry liata hmo phaleipa cha nama pahlei awpa a châ.

RYHPACHANEINA 24:7

“Chyhsa ta a unawhpa Izarei chyhsa paru sala, sei ta ma a tao tly, a zuah tlyma, pahnopa a châ khiahta cha, parutuhpa cha thie awpa a châ. Cha hawhna chata hmo pha leipa cha nama hry tawhta nama pahlei awpa a châ.

RYHPACHANEINA 28:54

Nama hry liata chyhsa nôpha chaipa nata ngiachhiena a hnei chaipa taihta a unawhpa nata a lapinô kho ngaitapa nata a saw a hroh tlakaihpa ngiachhie thei khao aw veih ei.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

KAOLAOSÂ 2:4

Ahy hmahta reikah thaipa ta ama cha dôvei lei nawpa ta, cha bie cha ei reih.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 20:3

Leichiepa khaohtlô liata za thy ta, kô sâh kha a tloh hlâlei phopizy a dôvei khao lei nawpa ta, khaohtlô cha khawhlôh ta, pachawhpâ ha ta. Cha khai tawhta bohpi leipa chhôh pathlie chypa a châ aw.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 2:13

Abeipa a heihsaipa ta, Bâlâ nata Astarô khazohzy tlao ama chakao.

RYUREITUHPAZY 20:13

Chavâta tahmâ Kibia liata moleipa chyhsazy cha miah vaw hlâ teh u, chatanachata âmo cha thie aw pi ta, moleina cha Izarei tawhta eima papai aw,” tah ei ta. Châhrasala Benzami mo ta ama unawhpa Izarei sawzy biereipa cha nathlie khoh leipa ei ta.

RYUREITUHPAZY 5:8

Khazoh thiehpazy amâ la nahta, Thokhy chhikaozy liata adyuhna a vaw y tyh. Vyhphao tlyma, asei tlyma, Izarei thy palih hry liata hmô awpa a y ma?

1 SAMUELA 18:1

Dâvi ta Sawla hnohta bie a rei khaipa nahta, Zawnathâ hro cha Dâvi hro nata phie a zao ha ta. Zawnathâ ta ano hrona kyh â pachâpa tlu ta Dâvi cha a kyh pachâ ta.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 20:17

Zawnathâ ta Dâvi cha, a kyh a pachâna kyh reipa ta, bie pataihsa heih ta. Ano hrona kyh a pachâpa tlu ta, Zawnathâ ta Dâvi cha a kyh a vaw pachâpa a châ.