RYHPACHANEINA 13:4 - Mara Bible RV (BSI)

⁴ Abeipa nama Khazohpa pazi aw ei chi ta, ano cha chipa ta, a biepiepazy nama zyh awpa a châ. A ao nathliepa ta, ano chakao aw ei chi ta, ano cha khâchâ namâ patu awpa a châ.

RYHPACHANEINA 13:4 ပူးပေါင်းရင်းမြစ်များ

2 ABEIZY 23:3

Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

2 THÂTIHZYRONA 34:31

Abei cha ano su liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

1 KAWRINI 6:17

Abeipa a pazaopa deikua cha, ano nata Thlahpa miakha ama châ.

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 11:1

“Chavâta Abeipa nama Khazohpa cha kyh pachâ u la, â hnawpazy, a bieraopazy, a pachianazy nata a biepiepazy khâ nama zyh awpa a châ.

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

2 ZAWHÂNA 1:6

He he kyhpachâna cha a châ, a biepiepazy eima zyhpa hih. Kyh a pachâ raihrie awpa cha athaohta tawhta nama theipa nata nama zyh awpa ta biepiepa a châ.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.