RYHPACHANEINA 13:16 - Mara Bible RV (BSI)

¹⁶ Hraona sôh zydua khihpi tlyliah khophie liata pahmaoh aw ei chi ta, khihpi nata hraona sôh zydua cha Abeipa nama Khazohpa lâta raopa hlâna ta tlokhuh mei ta nama rao khai aw. Cha khihpi cha chhâzaw ta lei byuhpa ta y aw ta, sa pathi heihpa châ khao aw vei.

RYHPACHANEINA 13:16 ပူးပေါင်းရင်းမြစ်များ

PUASAINA 22:19

“Sahroh a ziakheipa cha thie thlyu awpa a châ.

ISAI 17:1

He he Dâmaskâ kyh chhochhieliena bie a châ: Pachâ teh u, Dâmaskâ cha khihpi châ khao leipa aw ta, Raona a pathluna su a châ aw.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ZEREMIAH 49:2

Chavâta moh teh u, Amawna mo yna Râbâ khihpi a dyuh awpa ta, Apahôpahâna pyu thei awpa ta Ri tao nawpa nohzy a vaw tlô hai,” Abeipa ta a tah. “Râbâ khihpi cha, Raona apathluna khihpi châ aw ta; A khichapeihzy chhao, Mei ta raopa a châ aw; Ano a photuhpazy cha, Izarei ta a pho aw ei,” Abeipa ta a tah.

EZEKIA 26:14

Lôpanô ruapa hawhta cha tao aw na ta, sao zawna châ deita na châ aw. Paduapathipa châ khao aw va chi, kei Abeipa ta ei reih haw, Abeipa Zehôvâh ta a tah.

MIKÂ 1:6

Chavâta Samâri cha, Lyu liata apuapa pahmaohna ta tao aw na ta, Kre lo nawpa su ta ei tao aw; Alôzy Saikao lâ pahluah aw na ta, Â bônazy ei palâsa aw.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

RYHPACHANEINA 7:26

Na o chhôh liata hmo pasichhihpa nâ ngiakhei awpa châ vei. Chataleipatala nâ chhao, cha hmo hawhta pahleipadiapa na châ aw. Cha cha chhiesapa hmo a châpa vâta na pasi kaw awpa châ ta, nâ hao ngaita awpa a châ.

ZAWSUA 6:21

Khihpi liata a ypa zydua, chanô chapaw, hawti machâ, viahchao, mietaku nata alâ zy zaozi ta ama thie khai haw.

ZAWSUA 6:24

Khihpi cha a chhôh liata a ypa zydua chhaota mei ta rao ei ta, tâkâ, ngôh, dawh nata thua hmobaohzy deita Abeipa o sôh sona liata soh ei ta.

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

ZAWSUA 8:28

Zawsua ta Ai khihpi cha mei ta rao ta, chhâzaw ta alei byuhpa ta y awpa ta tao ta, tanoh taihta roryhrapa ta a y.