RYHPACHANEINA 13:13 - Mara Bible RV (BSI)

¹³ nama hry tawhta moleipazy pua ei ta, nama pahno beih leipa khazoh hropazy a chhy awpa ta ama khihpi liata a pahrâpazy ama paviasa tahpa nama thei khiahta cha,

RYHPACHANEINA 13:13 ပူးပေါင်းရင်းမြစ်များ

2 SAMUELA 16:7

Simei cha chhiesa ta, hetana heta tah ta, “Pua teh, nâ thisaih palo hmâhpa nata moleipa chyhsa chi kha, pua syulyu ha teh.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

2 SAMUELA 23:6

Chyhsa leilôpa zydua deikua cha, Ahloh hawhta ku ta la theipa ama châ leipa vâta, Ahloh hawhta thypa ama châ.

1 ABEIZY 21:10

Ano dady ta chyhsa dyutlai leipa pano patyusa aw ei chi ta, ‘Khazohpa nata abei chô liata chhie na sa’, tahpa ta ama vaw leih aw. Chatawhcha puakhei aw ei chi ta, alô ta nama vawhsao aw,” tah ta.

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

2 ABEIZY 17:21

Nebâ sawchapawpa Zerôbaw ta Izarei cha Dâvi pathla tawhta pachhaih ta, ano cha bei ta ama tao. Zerôbaw ta Izarei cha Abeipa ama pazipa tawhta tleikhei ta, moleina lai ngaitapa a pataosa ei.

2 THÂTIHZYRONA 13:7

Chyhsa dyutlaileipa nata chhorupazy a hnohta a hmaoh ei ta, Sawlawmaw sawchapawpa Rehôbaw cha a dyuh ei ta. Rehôbaw cha palôh pachyu leipa hawtipa a châ chypa vâta, âmo cha pakhâ thei leipa ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

2 KAWRINI 6:15

Krista nata ahripa ta khâpa aryhna ama hnei? Ngiapâtuhpa nata ngiapâleipa ta khâpa to khohpa ama hnei?

RYHPACHANEINA 13:12

“Abeipa nama Khazohpa ta pahrâ nawpa ta a cha piepa ei nama khihpi miakha liata bie ama reipa thei u la,

RYHPACHANEINA 13:14

patluah aw ei chi ta, nama tlua aw. Pakhâta ta hiahri aw ei chi ta, biedopa châ sala, cha hawhpa hmo pasichhihpa cha nama hry liata taopa a châ tahpa pahno pasiapa a châ khiahta cha,

RYHPACHANEINA 13:2

ngiana nata hmonoâhpa ama cha chhopazy cha vaw tlô sala, nama hnohta, “Khazoh hropazy pazi sih la, âmo cha chakao ei suh u,” tahpa ta nama pahno beih leipa khazohzy pazi awpa ta ama cha chho khiahta cha,

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

RYHPACHANEINA 17:4

a thâtih cha chho ei sala, nama vaw pahno khiahta cha, pakhâta ta namâ laichadai aw. Biedopa a châ tahpa pasiapa châ sala, cha hawhpa hmo pasichhihpa cha Izarei liata taopa a châ khiahta cha,

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

ZUDÂH 1:19

Cha chyhsazy cha achhaihna a patlôsatuhpa, khizawpa chyhsa, Thlahpa a hnei leipazy ama châ.

RYUREITUHPAZY 19:22

Palôh thaphapa ta ama y hai nota, moh teh u, khihpi chyhsa moleipazy ta o cha vaw dôh ei ta, ochhi thata phy ei ta. O hneituhpa pawpipa hnohta, “Na o liata a vaw tlôpa chapaw kha vaw papua teh, eima ykhei aw,” tah ei ta.

RYUREITUHPAZY 20:13

Chavâta tahmâ Kibia liata moleipa chyhsazy cha miah vaw hlâ teh u, chatanachata âmo cha thie aw pi ta, moleina cha Izarei tawhta eima papai aw,” tah ei ta. Châhrasala Benzami mo ta ama unawhpa Izarei sawzy biereipa cha nathlie khoh leipa ei ta.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.

1 SAMUELA 25:25

Ei zibeipa heta chyhsa chhiepa Nâbâ he pachâ hlei khah sy. A moh hawh tlai heta na a châ. Nâbâ moh a phaopa hawh tlai ta a hru ha hih. Kei, châ chakaotuhnô heta ei zibeipa satlia vaw tuapazy kha vaw hmô va na.