RYHPACHANEINA 12:9 - Mara Bible RV (BSI)

⁹ Abeipa nama Khazohpa ta a pahâ nawpa nata ryu châta a cha piepa ei râh nama tlô mâh leipa vâta.

RYHPACHANEINA 12:9 ပူးပေါင်းရင်းမြစ်များ

1 ABEIZY 8:56

“A bietai zydua hawhta, a phopi Izarei sawzy apahâna a pietuhpa Abeipa cha reithaipa ta y mawh sy. A chakaotuhpa Mawsi hmâpa ta a bietai phapa zydua kha, a vaw tlô leipa bie miakha hmahta y vei.

1 THÂTIHZYRONA 23:25

Dâvi ta, “Abeipa, Izarei Khazohpa ta a chyhsazy apahâna pie ta, Zerusale liata chhâzaw ta a pahrâ hapa vâta,

HLAZY 95:11

Chavâta pathi iapa ta bie a taih na ta, “Ei pahâna liata a ngia aw veih ei,” Ei vaw tah hapazy ama châ.

ZEREMIAH 31:2

Abeipa ta hetana heta a tah: “Zaozi ta thie bâhpazy cha, Râhchawhpa liata ngiachhiena ama to; Izarei ta apahâna tlua ta,

MIKÂ 2:10

Thyu u la, sie teh u, He he namâ pahâ nawpa su châ vei; Paraotuhpa hmo pathaih leipa yna su châ ta, Raona pasa ngaitapa ta a cha parao pathlei aw ei.

RYHPACHANEINA 12:8

“Tanoh ta eima taozie hawhna heta, chyhsa to âmo ta pha ama tahpa hawhta ama tao awpa châ vei,

RYHPACHANEINA 25:19

Chavâta Abeipa nama Khazohpa ta ryuto châta hnei awpa ta râh a cha piepa ei liata, nama chheipâh liata nama chariah zydua tawhta Abeipa nama Khazohpa ta a cha pahâsa ti ei ta, Amale mo cha avâ ry liata a thei thlâhpa ama châ khao lei nawpa ta, nama pahleipadia khai ha awpa a châ. Nama my cheita awpa châ vei.

RYHPACHANEINA 3:20

Abeipa nama Khazohpa ta nama unawhzy a piepa râh, Zawdâh haosâ lâ râh cha nama unawhzy ta pahrâpa ta, Abeipa ta nâmo hawhta apahâna a pie ti ei ta, nâmo cha hnei awpa ta râh ei cha piepa chyu lâ namâ kaw lie aw,’ tah na ta.

RYHPACHANEINA 4:21

Cha dei châ vei, nâmo vâta Abeipa cha ei chô liata a pathi ia ta, Zawdâh chaka lei awpa nata Abeipa nama Khazohpa ta ryuto châta râh phapa a cha piepa ei a ngia lei awpa ta bie eina hraikhâh haw.

ZAWSUA 11:23

Abeipa ta Mawsi hnohta a reipa zydua hawhta, Zawsua ta Kâna râh zydua la khai ta, ama chi apachhaihnazie hawhta ama ryuto râh a pie chyu ei. Chatanachata adyuhna pai ta, râh cha thlalôhpa ta y ha ta.