RYHPACHANEINA 12:7 - Mara Bible RV (BSI)

⁷ Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 12:7 ပူးပေါင်းရင်းမြစ်များ

1 THÂTIHZYRONA 29:22

Cha noh ta Abeipa hmiakô liata thapha ngaitapa ta niepa ta doh ei ta. Chatanachata Dâvi sawchapawpa Sawlawmaw cha bei ta ama pa-i chanei heih. Sawlawmaw cha Abeipa châta ryureituhpa châta sathawthu ei ta, Zadô cha theihthaipa châta sathaw ama thu.

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

BIECHHOTUHPA 3:12

A ly ngaitapa ta y ta, ama hro chhôh zydua hmo phapa taopa hlâta a pha viapa y vei tahpa ei pahno haw.

BIECHHOTUHPA 3:13

Chyhsa to ta niepa ta doh ei sala, ama hriapasana zydua liata a ly mawh ei sy. Cha cha Kha­zohpa kuhria a châ.

BIECHHOTUHPA 5:18

Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

ISAI 62:9

Sâh hriatuhpazy ta nie aw ei ta, Abeipa ama reithai aw; Kre thei lyutuhpazy ta doh aw ei ta, Ei supathaihpa dôhpachhôh tlyhmia lia tlai ta ama doh aw.”

EZEKIA 44:3

Abeipa hmia­kô liata viahchhâ nie awpa ta, abei deita ta cha liata â tyuh tyh aw. Aikah chhikao lâ tawhta a ngia aw ta, cha lâ tawh chata a pua heih tyh aw,” tah ta.

ZÔELA 1:16

Eima mohmô lia tlai ta, Niepa pachhâsapa châ ta; Eima Khazohpa o liata Alyna nata thaphana chhâ ha vei ma?

ZÔELA 2:26

“A hluhpi nie aw ei chi ta, Nama lôhrâ a tlô aw; Chatanachata noâhchhihpa ta nama chô liata hmo a taopa, Abeipa nama Khazohpa moh cha nama reithai aw. Ei phopi cha, Maophyuhpa ta y heih khao aw vei.

THEIHTHAINA 23:40

A noh khana noh ta tho phapa theizy, thiahrâ kuahzy, thochiah buh phapa nata chavah liata râbuhzy a chaba aw ei chi ta, Abeipa nama Khazohpa hmiakô liata noh sari chhôh thaphapa ta nama y aw.

MALAKHAI 2:13

Hmo hropa nama taopa chhao a y via. Abeipa ta nama hmohlâpa uasa khao leipa ta, nama ku tawhta palôhtlâhpa ta a châ hlâ khao leipa vâ ei ta, mothlih, chana nata arôhna ta Abeipa maisâh cha nama pabie.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:8

“Tanoh ta eima taozie hawhna heta, chyhsa to âmo ta pha ama tahpa hawhta ama tao awpa châ vei,

RYHPACHANEINA 14:23

Abeipa nama Khazohpa china châh nama pahno lymâ thei nawpa ta, nama sâh, nama kresawhti, nama sathaw nata nama viahchao hri nata nama mietaku zaw hry liata a pataw tua chaipazy tawhta su hrawh su kha cha, Abeipa nama Khazohpa ta a moh y nawpa ta â tlyh awpa su liata, ano hmiakô liata nama nie tyh aw.

RYHPACHANEINA 14:26

Tâkâ cha Abeipa nama Khazohpa ta a moh y nawpa ta â tlyh awpa su liata nama palôh khopa maih chalei nawpa ta nama hmâh aw. Viahchao tlyma, mietaku tlyma, kresawhti tlyma, kresawhti patapa tlyma, nama palôh khopa maih chalei aw ei chi ta, cha liata Abeipa nama Khazohpa hmiakô liata nâmo nata na chhôhkhazy nie aw ei chi ta, thaphapa ta nama y aw.

RYHPACHANEINA 15:20

Sahroh chapawpa a pataw tuapazy cha, nâmo nata nama chhôhkhazy ta Abeipa ta su â tlyh awpa liata, Abeipa nama Khazohpa hmiakô liata kô chareih nama nie tyh awpa a châ.

RYHPACHANEINA 26:11

Chatanachata Abeipa nama Khazohpa ta nâmo nata nama pathlazy hnohta hmo phapa a cha piepa ei liata, Livai chi nata nama hry liata chihropa a ypazy chhaota thaphapa ta nama y aw.

RYHPACHANEINA 27:7

Aryhna hlâna atheihnazy hlâ aw ei chi ta, cha liata nie aw ei chi ta, Abeipa nama Khazohpa hmiakô liata thaphapa ta nama y aw.

RYHPACHANEINA 28:47

Hmo to ativyna daihti liata Abeipa nama Khazohpa cha alypa nata thaphapa ta nama chakao leipa vâta,

PHILIPI 4:4

Abeipa liata khâ a ly teh u; ei tah heih aw, a ly teh u.