RYHPACHANEINA 12:5 - Mara Bible RV (BSI)

⁵ “Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 12:5 ပူးပေါင်းရင်းမြစ်များ

1 ABEIZY 12:27

He phopi heta Zerusale liata Abeipa Achhyna o liata atheihnazy hlâ awpa ta ama khy khiahta cha, he phopi palôh he ama zibeipa Zudâh bei Rehôbaw lâ a heih heih aw ta, kei he na thie aw ei ta, Zudâh bei Rehôbaw lâ amâ palie heih thei ngyu aw,” tah ta.

1 ABEIZY 14:21

Sawlawmaw sawchapawpa Rehôbaw cha Zudâh râh liata a bei ta. Â bei pathao nota Rehôbaw cha kô sypalih nata kô khapa a châ. Abeipa ta a moh y nawpa ta Izarei chi zydua tawhta â tlyhpa khihpi Zerusale liata kô hrawh hleisari a bei ta. A nô moh cha Amawna zuah Nâmâh a châ.

1 ABEIZY 8:16

Abeipa ta, ‘Izi râh tawhta ei phopi Izarei ei chhi papua noh tawhta, ei moh y nawpa o sa nawpa su châta, Izarei chizy hry liata kheihawhpa khih hmahta a tlyh beih va na. Châhrasala ei phopi Izarei hyutuhpa châta Dâvi cha ei tlyhpa a châ,’ tah ta.

1 ABEIZY 8:20

Abeipa ta a bietai cha tahmâ a patlô haw. Abeipa ta bie â vaw taipa hawh tlai ta, ei paw Dâvi su liata kei a duahpa ta, Izarei beidyuchhai liata a tyuh na ta, Abeipa, Izarei Khazohpa moh châta o cha ei sa haw.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 ABEIZY 8:29

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

2 ABEIZY 18:22

‘Keimo la Abeipa eima Khazohpa na eimâ ngâchhâ,’ nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, ‘Zerusale liata he maisâh hmiakô lia deita ta namâ chhy awpa a cha,’ tah ta, a su sâhpazy nata a maisâhzy a parao khai hapa kha châ vei ma?

1 THÂTIHZYRONA 22:1

Dâvi ta, “He su liana heta Zehôvâh Khazohpa o y aw ta, he su liana heta Izarei châta raopa hlâna maisâh a y aw,” tah ta.

2 THÂTIHZYRONA 7:12

Sawlawmaw hnohta zâ ta Abeipa a vaw luah ta, a hnohta, “Na thlahchhâna thei na ta, he su he keima châta atheihna o ta ei rao hawh.

EZRÂ 3:2

Zôzadâ sawchapawpa Zesua nata theihthaipa chakaona rai a hrialâhpazy nata Siati sawchapawpa Zerubâbe nata a heinawhzy thyu ei ta, Khazohpa chyhsa Mawsi Ryhpa liata ropa hawhta, raopa hlânazy hlâ nawpa ta, Izarei Khazohpa maisâh tao ei ta.

EZRÂ 6:12

Biepiepa he panano awpa ta tlyma, Zerusale liata Khazohpa o parao awpa ta tlyma, a ku a hypa abei tlyma, phopi tlyma cha, cha liata a moh a paysatuhpa Khazohpa ta ano cha parao mawh sy. Kei Dâria ta biepiepa he ei papua. Phahnai ngiah ngaitapa ta zyh awpa a châ,” tah ta.

EZRÂ 7:17

Cha sôhzy cha hmâpa ta, viahchao tôhpazy, mietaku tôhpazy, mietakutawzy nata ama niepa hlânazy nata dopa hlânazy phahnai khoh ngaitapa ta chalei aw chi ta, Zerusale liata nama Khazohpa o liata maisâh liata na hlâ aw.

NEHEMIAH 1:9

kei lâ vaw kuapa ta, ei biepiepazy zyhpa ta nama tao khiahta deikua cha, avâ chy chhâna taihta papuapa châ hra u la, cha tawhta châ chhi pakhy aw ei na ta, ei moh y nawpa ta ei tlyhpa su lâ ei châ chhi heih aw ei,’ tahpa ta bie na piepa kha, rie a thei mah y.

HLAZY 78:68

Zudâh chi tlao a tlyh ta, A kyhpachâpa Zaio Tlâh tlao â tlyh haw.

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

PUASAINA 25:22

Cha liata châ tyh tyh aw na ta, Izarei sawzy hnohta bie ei pie awpa zydua cha, biehrai byh chô liata zawngiahna dyuchhai liata cherubi mianozy likawh tawhna chata ei cha chho tyh aw.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

ZEREMIAH 7:12

Ei moh ei vaw paysa tuana Silô liata keima su lâ vawh u la, ei phopi Izarei moleina vâta a chô liata hmo ei taopa kei moh teh u.

ZEREMIAH 7:14

Silô chô liata ei taopa hawhna khata, ei moh ta bipa, he o chô liana chhao he tao aw na ta, nâmo nata châ pathlatuhpazy hnohta su ei cha piepa ei, namâ ngâchhâpa chô liata chhao ei tao aw.

THEIHTHAINA 17:4

Abeipa achhyna byureih hmiakô liata Abeipa lâta hmohlâpa ta hlâ awpa ta, ahmaohna poh o chhikao liata a vaw cheih leipa cha, thisaih a palopa ta pachâpa châ aw ta, a chô liata thisaih maoh a y aw. Cha chyhsa cha a phopi tawhta chhawh pathlahpa a châ aw.

MALUHREINA 7:89

Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:13

Nama raopa hlânazy cha, su rypaohpa nama hmôpa maih liata hlâ thlâh lei awpa ta a vaih teh u.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:4

Âmo taozie hawhta, Abeipa nama Khazohpa cha namâ chhy awpa châ vei.

RYHPACHANEINA 14:23

Abeipa nama Khazohpa china châh nama pahno lymâ thei nawpa ta, nama sâh, nama kresawhti, nama sathaw nata nama viahchao hri nata nama mietaku zaw hry liata a pataw tua chaipazy tawhta su hrawh su kha cha, Abeipa nama Khazohpa ta a moh y nawpa ta â tlyh awpa su liata, ano hmiakô liata nama nie tyh aw.

RYHPACHANEINA 14:24

Abeipa nama Khazohpa ta byhnâ a cha pie ti ei ta, Abeipa nama Khazohpa ta a moh y nawpa ta â tlyh awpa su cha, nama yna tawhta a hla kawpa châ sala, su hrawh su kha cha, cha lâ a cheih thei awpa nama châ vei khiahta cha,

RYHPACHANEINA 15:20

Sahroh chapawpa a pataw tuapazy cha, nâmo nata nama chhôhkhazy ta Abeipa ta su â tlyh awpa liata, Abeipa nama Khazohpa hmiakô liata kô chareih nama nie tyh awpa a châ.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 16:15

Abeipa ta â tlyhpa su liata Abeipa nama Khazohpa châta noh sari chhôh kyhchhi nama chay awpa a châ. Chatanachata Abeipa nama Khazohpa ta nama kôvei nata nama ku raihria zydua liata byhnâ cha pie aw ei ta, namâ lyna â ki aw.

RYHPACHANEINA 16:2

Abeipa ta a moh y nawpa su â tlyh awpa liata Abeipa nama Khazohpa lâta nama mietaku zaw hry tawhta nata viahchao hri hry tawhta zawpakhô atheihna châta nama hlâ aw.

RYHPACHANEINA 16:6

Abeipa nama Khazohpa ta a moh y nawpa ta â tlyhpa su liata, Izi râh tawhta nama kaw puana daihti, zâlâ noh tla daihti liata zawpakhô atheihna cha nama hlâ tyh awpa a châ.

RYHPACHANEINA 16:7

Atheihna sa cha rao aw ei chi ta, Abeipa ta su â tlyhpa liata nama nie aw. My ta a lie aw chi ta, nama poh ozy lâ namâ di aw.

RYHPACHANEINA 17:8

“Thisaih a palona kyh tlyma, kheihawhpa vâta leihna kyh tlyma, atudaina kyh tlyma, nama yna khih liata biepeipa kheihawhpa rai châ sala, nâmo pachia awpa biepeipa rupa nama hnohta ama vaw tlôkhei khiahta cha, thyu aw ei chi ta, Abeipa nama Khazohpa ta â tlyh awpa su lâ nama sie aw.

RYHPACHANEINA 18:6

“Livai chi pakha ta Izarei râh liata a pahrâna khih puasaipa ta, palôh khona hmeiseihpa ta Abeipa ta â tlyh awpa su lâ â vy khiahta cha,

RYHPACHANEINA 26:2

Abeipa nama Khazohpa ta râh a cha piepa liata chhaohlei patheipa tawhta kô a veih tua chaipa zydua la aw chi ta, hrâbyh liata khô aw chi ta, Abeipa nama Khazohpa ta a moh y nawpa ta â tlyh awpa su lâ nama siekhei tyh aw.

RYHPACHANEINA 31:11

Izarei saw zydua Abeipa nama Khazohpa ta su â tlyh awpa liata a hmiakô liata amâ vaw luah tita, he ryhpa he Izarei saw zydua theipa ta nama reih awpa a châ.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

ZAWSUA 22:11

Chyhsazy ta, “Rubena pathlazy, Kâdâ pathlazy nata Manase chi khophiezy ta Kâna râh tytua Zawdâh kao, Izarei sawzy râh liata maisâh ama tao,” tahpa ta ama reipa Izarei sawzy ta thei ei ta.

ZAWSUA 9:27

Cha noh ta Zawsua ta Kibiô mo cha zawpi châta nata Abeipa ta a maisâh y nawpa ta a raopa su châta tho pakhy awpa nata ti thaih awpa ta rao ta, cha hawhna chata tanoh taihta ama y.

BIEPHUAH 14:1

Chatawhcha kaw moh na ta, Mietakutaw Zaio Tlâh liata a duahpa nata ama khi liata ano moh nata a Paw moh ârohpa, chyhsa 144,000 a hnohta a ypazy hmô na ta.